“Husu ba governu tau matan netik ba ami-nia dalan ne'e, tanba dalan ne'e difikulta tebes ami-nia viajen, liuliu labarik estudante sira bainhira ba mai eskola, nune'e mós difikulta tebes ba Merkadoria sira-nia moris”, dehan Xefe Suku Saelari, Mateus Cardoso, liuhusi telfone, sábadu (21/08).

Tanba iha tempu bailoron ne'e sei di'ak oituan maibé rai rahun ne'e mak maka’as tebes entaun sempre kria moras ba komúnidade sira bainhira viajen ba mai liliu estudante sira.

Maibé tempu udan ona karreta no motorizada liu la di'ak tanba dalan ne'e dodok no namdoras, ne'e difikulta liu kedas viajen ba mai ba estudante no negosiante sira inklui lori ema moras ba sentru saúde

Nune'e husu ba Governu atu tau atensaun ba problema sosiál sira iha baze ne'e, nune'e povu hotu sente oinsá moris iha era ukun-an nia

Entretantu totál populasaun suku Saelari hamutuk 2.731, ho nia aldeia 9 totál uma-kain 545. (*)