"Agora iha Outubru ne'e, tanba ita makína avaria ita sementara trava lai, tanba ita simu beibeik ema mak ita emprime kleur ema bele iziji ita."Informa Diretór Konservatóriu Servisu Notáriadu Baucau, Marcelino Gama iha kna'ar fatin, kuarta (20/10).

Antes ne'e iha sidadaun na’in 59 registu ona atu trata pasaporte, maibé to'o ohin loron seidauk bele emprime, tanbá iha failansu makína lazer.

Tanba ne'e Minstéiru Presiza halo kontaktu ho na’in kompaña ne'ebé mak uluk manan tender, tenke halo manutensaun ba makína refere.

"Ne'e la'os pasaporte komum de'it pasaporte servisu, pasaporte diplomátiku, pasaporte ba estrangeiru ne'e mak difikulta ita", nia informa

Nia afirma, makína empríme ne'e avaria iha loron 6 fulan outubro tinan 2021, nune'e difikulta ba diresaun  servisu  notáriadu iha munisípiu 12 inklui Oe-Cusse paradu hotu, entaun ba próblema ne'e, Diretór Gerál no Minstru Justiça tenke rezolve.

Nia haktuir, iha komunidade balun, hakarak foti lalais, tanba balun selu ona, liu ona loron sanolu, to'o ohin loron seidauk foti.

Nia dehan, problema ne'e la'os Munisípiu nian, maibé problema iha Ministériu, nune'e tenké hein ho pasiensia. (*)