Diretór servisu Agrikultor Munisípiu Baukau, Moises Lobato Perreira hatete, esforsu bazeia ba matás ne'ebé mak hatúr ona no sei servisu hamutuk ho autoridade lokál.
"Liu-liu mak labárik tinan-5 mai kraik, inan isin-rua no inan fó susu sira ne'e mak importente liu konsumu ai-hán ne'ebé mak iha nutrisaun di'ak par dezenvovle labárik sira atu aban-bainrua sai jerasaun ne'ebé mak fórte", dehan nia iha salaun sentru konvensaun (CCB-Signa portugues) Baukau, segunda (25/10).
Nia hatutan, metás importante ne'ebé dadaun servisu agrikultura iha mak atu hasa'e produsaun agrikola atu iha ai-hán kualidade ne'ebé di'ak hodi garante saúde di'ak.
Tanba, Munisípiu Baukau iha produtu lokál ne’ebé nutritivu hanesan, talás, kontás, fehuk midar, aifarina, nune'e laiha dezafiu ba ai-hán, tanba iha foho no tasi kompleta malu.
"Iha tasi ita iha ikan, alende ida ne'e ai-hán sira seluk ne'ebé mak iha ita nia toos, nune'e mós ai-hán husi natar nian", dehan nia
Tuir planu estratéjiku dezenvolvimentu nasionál hatúr ona ba tinan 2011 to'o 2030 nian, nune’e diresaun tekniku Ministériu Agrikultór no Peskas ho nia estrutura iha baze no autoridade lokál sira atu hasa’e produsaun agrikola.
Tanba ne’e, kada tinan diresaun servisu agrikultura fó apoiu fini no fila rai gratuita no kria mós grupu agrikultóres sira hodi kontinua hasa’e produsaun. (*)