“Konsellu Ministrus aprova ona projetu Dekretu-Lei kona-ba Instrumentu Planeamentu teritoriál, ne’ebé aprezenta husi Vise-Primeiru-Ministru no Ministru Planu no Ordenamentu, José Maria dos Reis”, dehan Fidélis iha Palásiu Governu, kuarta (27/10).

Dekretu-Lei, ne’ebé dezenvolve husi Lei nu. 6/2017, loron 19 fulan-abril (Baze sira Ordenamentu Teritóriu nian), estabelese rejime Jurídiku husi instrumentu planeamentu teritoriál.

Tanba ne’e define, liuliu, rejime koordenasaun iha ámbitu nasionál no munisipál husi sistema jestaun teritoriál no rejime aprovasaun, ezekusaun no avaliasaun instrumentu sira jestaun teritoriál nian. (*)