"Preokupasaun sira ne'ebé deputadu sira hato'o mai mak ko'alia kona-ba oinsá mak hasa'e produsaun iha rai laran, no segundu mak oinsá mak joven sira integra-an iha vida kooperativa, no deputadu sira mós ko'alia kona-ba integrasaun feto sira”, haktuir Sekretáriu Estadu Kooperativa (SEKoop), Elizário Ferreira, ba jornalista sira iha PN, sesta (06/11).
Hafoin kestiona husi Deputadu sira, SEKoop resposta katak iha ona Grupu internasionál sira atu suporta no oinsá halo envolvimentu feto ba setór kooperativa nian.
"Nia resposta katak, iha ona federasaun ida ba kooperativa feto sira-nian, ne'ebé mak mai husi primariu hitu (7) mak hari’i hamutuk ne'ebé mak ema hakarak kooperativa nasionál ba feto sira ne'ebé hein integra ba kooperativa internasionál nian”, informa nia.
Tanba ne’e, envolvimentu grupu kooperativa feto mós rejista iha Kooperativa internasionál nian.
Dadaun ne'e SEKoop kontinua nafatin fó formasaun ba membru no dirijente sira atu hasa'e kapasidade kooperativa nian hodi haburas sira-nia kooperativa sira.
Ho ida ne’e, Sekretáriu Estadu mós hala'o ona planu oinsá halo armajen ba kooperativa sira atu rai sira-nia produtu hodi fasilita kooperativa sira hodi rai produtu sira. (*)