SEPS, Joaquim José Gusmão hatete, apoiu ba vitima dezastre naturais sira ho emerjénsia hahan no metérial konstrusaun uma hanesan, semente, kalen, besi inklui osan ba mão de obra.
"Baukau vila nian na'in-3, Suku Uailili-2, Seiçal-ida, Laga família-2, Kelikai família-4 no Venilale familia-6, totál hamutuk-15, ohin ita komesa iha ne'e, aban komesa iha fatin seluk", dehan Joaquim, kuarta (15/12).
Vitíma uma ka'in-15 ne’e iha loron 4 fulan-abril tinan-2021, maibé dekretu-lei Nu.7 foin aprova atu hasa'e tan volúme ajudasaun ba vitíma dezastre natirais sira.
Uma ka'in-15 ne'e kondisaun aat total, nune'e fó apoiu matérial besi, kalen, semente, pregu inklui osan mão de obra nian ne'ebé aprova husi Governu ba uma ida ho montante US$360.00 hodi sosa ai-kuadradu uma nian no selu badaen.
Alende ne'e, ékipa SEPS mós verifika ona dadus husi insendu ne’ebé akontese iha loron 9 Fulan-Dezembru tinan 2021 iha Aldeia Larigua, Suku Hae-coni, Postu Administrativu Baguia atu fó mós apoiu.
"Ita nia Prezidente Autoridade aprova haruka ba ha'u lori mai bele entrega ona", dehan SEPS
Nune'e, Vitíma dezastre naturais husi insendu, Simão Freitas sente kontente ho apoiu ne’ebé Governu fó, tanba sufisiente ona atu konstrui hikas uma. (*)