Tuir informasaun ne'ebé www.tempotimor.com asesu iha pájina ofisiál SEKOOP iha kinta (10/02) ne'e, Prezidente AEMTL, Hergui Luina Fernandes Alves ho nia Ekipa hasoru malu ho Sekretáriu Estadu Kooperativa hodi husu nia opiniaun oinsá ba futuru hari’i kooperativa ida ne'ebé fó benefisia ba membru sira.
Iha ámbitu vizitasaun ne'e SEKOOP hatan, sira-nia parte prontu fó formasaun ba kestaun asisténsia tékniku husi Sekretária Estadu Kooperativa laiha obsessun ruma maibé prontu atu fasilita formasaun sira.
Formasaun ne'e durante loron haat ne'ebé foka, ba vantajen no dezvantajen, nia benefisiáriu sira, direitu dever membru sira-nian, regra sira, inklui lei sira, hodi nune'e membru sira la'o tuir orientasaun ne'ebé mak hetan ona husi SEKOOP. (*)