Ofiasiàl Protesaun Labarik munisipìu Ermera ne'ebé reprezenta Ministériu Solidaridade Sosiál Ermera (MSS) Amadeo de Jesus hatete, materiál hand sanitaizer refere hetan apoiu husi UNICEF atu deskola mai munisípiu, maibé tanba iha Dili aplika Serka Sanitária entaun materiál refere seidauk labele mai.

"Agora daudaun ita hasoru hela serka sanitária iha kapitál Dili, nune'e munisìpiu labele halo movimentu ba Dili no husi Dili mós labele movimentu mai, ho ida ne'e difikulta materiál dezinfekta sira labele mai," dehan Amadeo ba www.tempotimor.com iha knaar fatin Ermera, Segunda (15/3).

Nia husu ba parte relevante tenke halo koordenasaun lalais ho seguransa sira para foti médida urjente kona-ba asuntu ne'e, para oinsa MSS Ermera bele foti sedu materiál refere.

"Presiza tebes materiál sira ne'e, tamba presiza tebes bainhira halo atendementu ruma ba kliente sira," nia reforsa.(*)