Xanana Presta Deklarasaun ba Kazu Balun iha Ministériu Públiku

By Tempo Timor March 21, 2022 535

font size decrease font size increase font size
Print
Email

Prezidente Partidu CNRT, Kay Rala Xanana Gusmão, ko'alia hela ho Jornalista sira iha Prokurador Jeral Repúblila (PGR), Kolmera, segunda (21/03). Foto Tempo Timor

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, ohin segunda (21/03), presta deklarasaun iha Minisériu Públiku (MP) hanesan testamuña (sasin) ba kazu balu, maibé konteudu husi kazu refere la atu fó sai ba públiku.

Tuir observasaun www.tempotimor.com iha terenu nota katak, Xanana Gusmão to'o iha edifísiu Ministériu Públiku maizomenus tuku 9:00, hodi tama ba presta deklarasaun kuaze oras ida iha sala investigasaun Prokuradória Jerál Repúblika (PJR) nian.

Hafoin prestasaun deklarasaun iha Ministériu Públiku, Xanana Gusmão ba jornalista hatete nia parte ba PJR hodi kumpre de'it notifikasaun relasiona ho kazu balun maibé konteudu husi kazu refere labele fó sai ba públiku tanba ida ne'e segredu justisa.

“Nu’udar sidadaun kumpre obrigasaun mai responde ba, maibé imi hotu hatene, imi hatene liu ha'u, katak buat sira hanesan ne'e, iha segredu justisa, ne'ebé ita labele halo deklarasaun buat ida”, dehan Xanana, hafoin sai husi edifísiu PGR, segunda (21/03). (*)

Rate this item

(1 Vote)

Last modified on Monday, 21 March 2022 11:28

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com