Governu Nomeia Timotio de Deus Ba Kosellu Superiór MP

Reuniaun Konsellu Ministru Iha Ministeiru Finansas Reuniaun Konsellu Ministru Iha Ministeiru Finansas Foto File

Tempotimor (Dili) - Governu liuhusi Konsellu Ministru aprova nomeasaun Timotio de Deus ba Konsellu Superiór no ho ninia suplementár Ana Paula Marçal, iha ministériu públiku. 

"Konsellu Ministru aprova nomeasaun ba Timótio de Deus hodi sai Reprezentante Governu nian hanesan Konsellu Superiór no ho ninia suplemente Ana Paula Marçal iha Ministériu Pübliku", haktuir komunikadu imprensa reuniaun Konsellu Ministru ne'ebe www.tempotimor.com asesu, Kuarta (6/5). 

Proposta ida ne'e aprezenta husi Ministru Justisa, Manuel Cárceres da Costa. 

VIDEO PUBLISIDADE APELU HUSI PM TAUR APLAUS BA FRONT LINE

{{954fd33a10724e342805c7b0dcd9f60e}}

 

Alende ne'e, Ministru Obras Públika (MOP), Salvador Soares dos Reis Pires, aprezenta projetu deliberasaun tolu, ne'ebé hetan aprovasaun iha Konsellu Ministrus, kona-ba memorandu entendimentu no protokolu kooperasaun rua ho entidades públika husi Portugal. 

Projetu aprovadu dahuluk ne'e ba memorandu entendimentu entre Ministériu Ekonomia no Empregu Repúblika Portugueza no Ministériu Obras Públika hamutuk mos ho Ministériu Petróleu no Rekursu Mina-rai Timor-Leste iha dominiu enerjia (eletrisidade no kombustivel), jeolojia no mina nian. 

Nune'e, Konsellu Ministrus halo aprovasaun kona-ba protokolu kooperasaun entre ministériu ambiente, husi ordenamentu territóriu no enerjia Portugal no Ministériu Obras Públikas Timor-Leste, iha materia ba bee, saneamentu, drenajen, no jestaun rezidus sólidu. 

Ikus liu, membrus governu aprova protokolu entre IP enjenaria, Ministériu Obras Públikas, Transporte no Komunikasoins Timor-Leste, iha ambitu organizasaun no jestaun rede rodoviaria Timor-Leste. (*) 

PUBLISIDADE

Rate this item
(0 votes)
Last modified on Saturday, 09 May 2020 13:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.