Estanislau Hatan iha Tribunál Tanba Ezonera Prezidente AEI

Eis MKAE V guvernu konstitusional, Estanislau Aleixo da Silva koalia ho fungsionariu Tribunal balun hafoin remata partisipa iha primeiru julgamentu kazu sivil relasiona ho desizaun hapara Eis Prezidenti Agensia espesialijada investementu Felisberto Araújo Duarte iha TDD, Tersa (27/10). Eis MKAE V guvernu konstitusional, Estanislau Aleixo da Silva koalia ho fungsionariu Tribunal balun hafoin remata partisipa iha primeiru julgamentu kazu sivil relasiona ho desizaun hapara Eis Prezidenti Agensia espesialijada investementu Felisberto Araújo Duarte iha TDD, Tersa (27/10). Foto Tempo Timor

Tempotimor (Dili) - Eis Ministru Koordenador Asuntu Ekonomiku (MKAE) iha V guvernu konstitusional, Estanislau Aleixo da Silva hataan iha Tribunal tanba antes ne’e ezonera Prezidenti Agensia Espesialijada Investimentu (AEI), Felisberto Araújo Duarte.

Tribunal distrital Dili halo julgamentu ba kazu sivil ne’e, liu husi advogadu privadu, Pedro Aparicio ne’ebé esplika katak, prosesu kazu sivil ne'e lori ba iha tribunal relasiona ho desizaun eis MKAE Estanislau da Silva iha 30 Junu 2015, ezonera Felisberto Araújo Duarte husi nia kargu nuudar Prezidenti Agensia espesialijada investementu.

Pedro Aparicio konta tuir katak, iha tempu ne'ebá Eis MKAE foti desizaun hodi troka Prezidenti AEI la liu husi prosesu admistrativu no parte defeza la aseita ho desizaun refere, tanba desizaun politika la’ós hare ba legalidade.

Pedro hatutan, tuir lei ne'ebé aplika ba nia kliente ne'e kuandu atu hasai Prezidenti bazeia ba parte tolu husi artigu 15 Lei AEI ne'ebé hateten, kuandu prazu kontratu termina ona, Prezidenti rezigna aan no kuandu Prezidenti halo infrasaun ka halo sala bo'ot, Lei refere mos hateten, kuandu atu halo sala bo'ot ka hasai ema tenki liu husi prosesu inkéritu, halo nota de kulpa ba iha Prezidenti, depois Prezidenti iha dereitu atu defende Aan.

"Prezidenti ne'e lahatene sala saida, maibe iha altura ne'ebá V governu konstitusional ne'ebé mak partidu FRETILIN tama hanesan governu iha altura ne'ebá, entaun tama mai sira halo mudansa hodi hasai tiha Prezidenti," dehan Pedro iha TDD, Tersa (27/10).

Ho desizaun objetu husi eis MKAE, Estanislau nian, parte autor la aseita no senti prejuízu, nune'e lori ba tribunal atu tetu katak Prezidenti tuir Lei bele ga lae.

"Hau nia kliente tenki lakon barak. Lakon servisu, lakon rendimentu, lakon buat hotu no aat liu ita nia komunidade hatene dehan ministru hasai nia tanba halo hahalok ida ne'ebé mak ladiak, latuir lei, entaun ida prezuizu ba hau nia kliente," Pedro esplika.

Bainhira jornalista sira atu halo konfirmasaun ba Estanislao Aleixo da Silva, hateten, nia parte marka prejensa iha tribunal atu partisipa inklui rona deit no laiha komentariu.

"Hau mai atu rona deit, laiha komentariu," dehan Estanislau.

Entertantu tuir dekretu Lei investimentu nomeasaun ba Prezidenti Agensia Espesialijada Investementu 2015 nian hatete katak, membru guvernu ne'ebé tutela ba ajensia bele halo nomeasaun, lei refere mos bele fo flexibilidade bele halo kontratu bazeia ba lei laboral katak, kontratu durasaun tinan 5, Prezidenti bainhira resigna aan rasik no Prezidenti halo sala ruma ne'ebé grave tuir fungsaun nu'udar Prezidenti.

Maibe iha Kazu Eis Prezidenti Agensia Espesialijada Investementu Felisberto Araújo Duarte nian rasik foin mandatu fulan 6, MKAE, Estanislau tenki hasai fali nune'e la tuir dekretu lei investementu 2015.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks