Portavós David da Silva Xavier informa, kronólojia husi Kazu Tara-an ne'ebé mak akontese hafoin matebian ba hela ho nia tiun sira iha Postu Administrativu Baguia, Munisípiu Baukau iha loron 25 fulan-abril 2021, hamosu insatisfasaun ba família matebian sira iha Munisípiu Dili.
Tanba ne'e, família matebian hamutuk organizasun KJLU ejize atu hala'o investigasaun oinsá mak bele hetan motivu husi kazu refere nune'e lori ba dalan justisa nian.
"Ami deskonfia vítima la tara-an tanba informasaun ne’ebé ami rekolla no foto ne’ebé espalla iha mídia sosial hatudu katak ema seluk mak oho vítima molok lori nia ba tara iha ai-kamí. Tanba ne'e husu ba PNTL Postu- Administrativu Baguia no PNTL Munisípiu Baukau atu investiga klean ba kazu ne'e”, dehan nia iha Aldeia Terminal Suku Bekora, segunda (26/04).
Familia iha kapitál Díli, la konkorda no deskonfia vítima JCS mate la'os tara-an hanesan imagem ne’ebé hatudu iha mídia sosial.
"Ho razaun ida ne'e, ami husi Juventude no Estudante ne'ebe hamahan an iha organizasaun Klibur Juventude Suku Loi-Ulo ( KJLU ) no família sira husi Dili ladun satifas”, hatete nia
Ho insatisfas ne'e, husu ba Polísia Forensik no PSIK Ministériu Públiku halo autopsia ba Mate isin, no husu ba rede feto, ho nia membru sira hanesan, Fundasaun Alola, JSMP, Fokupers, Pradet, PDHJ no parseiru sira hodi halo advokasia ba kazu refere.
Fatin hanesan Família Matebian Octávio da Silva Monteiro husu atu polísia tenke investiga motivu husi kazu refere, liuliu deteta lalais kazu ida ne'e molok ba haloot matebian nia mate isin tuir kultura. (*)