implementadór ba lei ne'e.

Ba preokupasaun ne'e, Prezidente Tribunal Rekursu deside hasoru malu ho Prezidente Parlamentu Nasional (PPN), Aniceto Longuinhos Guterres Lopoz, atubele haree oinsá kria semináriu, hodi involve entidade relavante hanesan Tribunal Rekursu, Komisaun Anti Korupsaun (KAK).

Ho ida ne’e, atu nune'e fó hanoin hamutuk, aumenta tan buat balun husi inisiu implementasaun diploma ne'e molok tau iha konkretu.

"Aumesmu tempu iha inisiu husi implementasaun diploma ne'e rasik, ita ko’alia ho PPN atu oinsá mak bele organiza deskusaun ruma e atraves worksop ruma ka semináriu, atu envolve entidade sira ne'ebé implementa lei ne'e, e tribunal rekursu rasik e KAK nomós entidade sira seluk”, hatete nia iha PN, kuarta (05/05).

Tanba lei prevensaun no kombate korupasaun ne'e rasik, mesmu balun hadi’a ona ona liuhusi kooperasaun, mais buat balun presiza halo di’ak.

“Ezemplu konkretu mak ne'e, lei ida antigu ne'e dokumentu prienxe por eskrita simples los, e tau tribunal rekursu, tau mós iha PN ba deputadu sira, maibé lei ida agora ne'e dokumentu prienxe online”, nia preokupa.

Enkuantu lei agora formuláriu prinxe online, serake lei mak obriga ema hotu atu prinexe formuláriu online, bainhia ema laiha konesimentu di’ak ba online.

“Agora formuláriu ne'e kria presiza tempu tanba ne'e formuláriu dijitál, entaun difikuldade mak ne'e tenke ser interpreta lei ne'e rasik halo tiha formuláriu, depois formuláriu ne'e halo ho formatu dijital e hatama mai sistema”, hatete nia.

Ho ida ne'e, Tribunal Rekomenda mós PN atu submete ba Tribunal Rekursu kona-ba deputadu sira-nia deklarasaun kona-ba lei antigu.

“Tanba ne'e, agora lei ne'e entrada vigor ona, entaun Parlamentu Nasional tenke ser haruka ona deklarasaun deputadu sira-nian, tuir lei antigu ba tribunal rekursu, ida ne'e mak ohin ko'alia”, hatete nia. (*)