Tanba iha domingu (16/05) Polísia Nasionál Timor-Leste (PNTL) hetan informasaun katak deskonfia ema oho-an iha 20 de Setembru suku Bebonuk vímita ho naran LM idade 40
Nune'e, Polísia to'o kedan iha atual krime, ba halo ezaminasaun ba vitima ne'ebé oho-an.
“Oras ne'e dadaun prosesu ne'e, mate isin sei iha hela mortuáriu, hodi hein autópsia hodi hatene kauza husi mate ne'e nia oho-an ka ema mak oho”, dehan Armando iha komandu jerál PNTL Kaikoli, tersa (18/05).
Ho ida ne'e, hein autópsia mak bele hatene hafoin polísia investigasaun sei verifika buka tuir evidénsia nune'e bele hatene ema mate ne'e kauza husi saida.
“Polísia ba indentifika ona, agora ita seidauk bele fó sai públiku ne'e sei segredu hela, ita hein rezultadu autopsia no na'in ba sasin”, reafirma nia.
Polísia hanesan ponte ida atu lori ema ne'e ba Ministériu Públiku no dadaun ne'e polísia investiga hela no buka tuir hela tanba saida mak ema ne'e mate.
“Imi hein katak ita sei deskobre husi prosesu investigasaun no prosesu inditifikadaun mak bele hatene, iha tempu badak hothotu bele deskobre maibé tribunal mak bele deside katak sé mak sala”, hatutan nia. (*)
