Komisáriu KAK, Sergio Hornai hatete, Lei ne’e importante ba funsionáriu sira funsaun públika estadu ninian, nomós órgaun titular tanba ne’e presiza halo sensibilisaun ba ajente sira hotu hodi hametin integridade iha instituisaun estadu nian.
“Hametin liután integridade iha ita-nia administrasaun públika estadu ninian liliu jestór no dirijente ne’ebé responsavel ba administrasaun públika ninian bele kuidadu liután por étika no halo medida ho rigor maibé nafatin konformidade iha lei”, dehan Sergio iha salaun Sekretáriu Estadu Juventude no Desportu, Lesidere, kinta (24/06).
Tanba lei ne’e sei aplika ba deklarante sira liliu ajente funsionáriu públiku, kargu titular sira sei presta deklasaun ba autoridade kompetente.
Aliende ne’e, Sekretáriu Estadu Juventude Desportu (SEJD), Abrão Saldanha, konsidera lei ne’e importante sei prevene ema barak lori ema ba julgamentu oioin ba ema servidór sira.
“Leiida ne’e ita hatene politiku, jestór barak mak apara ona ba lei ida ne’e se fosse, ita iha lei ida ne’e antes ita bele prevene ema barak monu ba risku tanba lei ida ne’e seidauk iha. Mosu julgamentu públiku oioin ba ema servidór sira ne’ebé ba ha’u diskriminativu tebes no la justu”, dehan Abrão.
Lei ne’e sujeita ba médiu ninian husi Diretór Jerál to’o Xefe Gabinete sira nomós asesor nasionál no internasionál sira. (*)