Tanba ne’e, simu ona pose husi Prokuradór Jerál Repúblika Alfonso Lopes iha loron 22 fulan-novembru tinan 2021.
"Prokuradór jerál sente onradu haksolok, tanba depois asumi kargu prokuradór jerál repúblika foin primeira ves fó posse ba prokuradór distritál ida, tuir estatuto ne'e pireodu tinan-3", dehan alfonso ba media sira, segunda (22/11).
Antes ne’e, Amrozio Rangel Freitas asumi kargu nu’udar prokuradór iha Reziaun Administrativa Espesial Oekussi Ambeno (RAEOA) durante tinan-ida ho balun, nune’e haree ba kapasidade konsellu deside ho unamidade hodi asumi tán responsablidade iha Ministéiru Públiku Munisípiu Baukau.
Nia fó konfiansa ba prokuradór jerál foun Amrozio atu bele minimiza kazu sira ne'ebé durante pendente iha Munisípiu Baukau.
"Ita espera nia iha ne'e kazu korupsaun nia bele asumi nafatin alende kazu komum", nia afirma
Nune'e, Komadante PNTL Munisípiu Manatutu, Superintendente Xefe João da Costa hatete, parte seguransa nafatin servisu hamutuk ho prokuradór jerál, tanba konsidera hanesan parseiru imortante.
"Ami esperansa prokuradór foun bele aumenta progresu mais di'ak liu tán ho Polísia Nasionál Timor-Leste halo relasaun servisu nafatin hametin liu tán, nune'e kazu krimi sira ne'e la'o di'ak liu tan", nia dehan. (*)