Tempotimor (Dili)-Komisaun A ne’ebé trata asuntu Konstitusionál no Justisa, submete ona proposta alterasaun lei eleitorál tolu ba meza Parlamentu Nasionál (PN) no iha semana ne’e bele haruka ba Prezidente Repúblika (PR) halo promulgasaun.

Tempotimor (Dili)-Governu liuhusi Konsellu Ministru (KM) deside hodi mantein aplika serka sanitaria ba minisípiu Baukau no Dili durante loron hitu (7).

Tempotimor (Dili)-Governu liuhuis Konsellu Ministru (KM) kontinua aplika kuarentena ba sidadaun sira ne’ebé mai husi nasaun afetadu variante-Delta bainhira tama iha Timor-Leste (TL), maske simu ona vasina kompletu (dalarua).

Tempotimor (Dili)-Xefe Bankada Kmanek Haburas Unidade Nasionál Timor Oan (KHUNTO), Olinda Guteres, konsidera Ministériu Saúde (MS) failla halo sosializasaun ba komunidade kona-ba programa vasinasaun kontra Covid-19.

Tempotimor (Dili)- Komisaun A trata asuntu Justisa no konstituisional iha Parlamentu Nasional (PN) lakohi joven sira ne’ebé seidauk iha kbi’it, maibé obriga-an forma uma ka'in.

Tempotimor (Dili)-Governu liuhusi Ministru Administrasaun Estatal (MAE), Miguel Perreira de Carvalho, rejeita informasaun kona-ba lideransa komunitária sira obriga sidadaun liliu idozu sira atu simu subsidíu tenke hetan uluk vasina.

“Idozu sira simu tiha vasina hafoin sira hetan direitu ba subsídiu ne'e laloos, tanba polítika oitavu governu konstitusionál ne'e mak atu enkoraja it-nia sidadaun sira atu hakbesik-an ba postu vasinasaun atubele hetan vasina, no governu la obriga”, deklara Ministru Miguel Carvalho iha CNE Kolmera, kuarta (01/07).

Tanba ne'e governu seidauk obriga sidadaun sira tenke tuir vasina hafoin hetan diretu subsídiu no la hato'o ba lideransa komunitária sira atu obriga sidadaun sira tuir vasina.

“Ha'u hakarak klarifika iha ne'e katak MAE la hato'o ba lideransa komunitária sira atu obriga sidadaun sira, vasinasaun ne'e la'ós obrigatóriu, vasinasaun ne'e ami orienta ba ita-nia lideransa komunitária sira atu fó konsellu enkoraja ita-nia sidadaun sira ne'ebé idade mais de 17 anos hodi hakbesik-an ba postu sentru vasina atu vasina la'ós obrigatóriu”, afirma nia. (*)

Tempotimor (Dili)-Ministra Saúde (MS), Odete Maria Freitas Belo deklara, nia parte seidauk iha informasaun kona-ba vasina AstraZeneca hamate idozu 1 iha Munisípiu Bobonaro.

“Seidauk iha informasaun, ha'u dehan hanesan ne'e”, dehan Ministra Odete hafoin reuniaun Konsellu Ministru iha palásiu governu, kinta (01/07).

Maibé, tuir informasaun ne’ebé espalla iha públiku liuliu mídia sosiál hatudu matebian Hilária de Jesus (73) hakotu ona iis, hafoin simu vasina AstraZeneca iha Suku Lour, Postu Administrativu Bobonaro, Munisípiu Bobonaro, kuarta (30/06/21).

Maske Ministra hatene preokupasaun públiku, maibé nia seidauk iha informasaun klaru kona-ba kazu refere nune'e nia labele fó informasaun falsu.

“Fó saida ba ita-boot, hakarak informasaun falsu fó ba ita la bele, ita la bele obriga lai, husik ha'u hetan informasaun klaru ha'u fó ba ita-boot sira”, afirma Odete.

Dadaun ne'e ekipa saúde halo hela investigasaun ba kazu vasina iha munisípiu Bobonaro.

Matebian ne'e husi aldeia Olo-Olo, Suku Lour, Postu Administrativu Bobonaro, Munisípiu Bobonaro.(*)

Tempotimor (Dili)-Komisaun Nasionál ba Eleisaun (CNE) ho Sekretariadu Tekniku Administrasaun Eleitorál (STAE) hahú loke ona resensiamentu eleitorál no atualizasaun baze dadus ba eleisaun prezidensiál tinan 2022.

Tempotimor (Dili)-Ministériu Saúde (MS) hamutuk ho Organizasaun Mundiál Saúde (OMS) iha Timor-Leste fó apoiu hodi hala'o formasaun ba pesoál inspesaun sanitária atu sensibiliza informasaun Covid-19 ba komunidade.

Tempotimor (Dili)-Bankada Congresso Nacionál de Reconstrução de Timor (CNRT) no Kmanek Haburas Unidade Nasionál Timor Oan (KHUNTO) ejize ba governu liuhosi Ministériu Saúde (MS) atu responsabiliza ba matebian Hilária de Jesus ne'ebé hakotu iis, hafoin simu vasina AstraZeneca iha Suku Lour, Postu Administrativu Bobonaro, Munisípiu Bobonaro.