Tempotimor (Dili) - Deputadu Bankada Kmanek Haburas Unidade Nasional Timor Oan (KHUNTO), Luis Roberto rejeita informasaun balun ne’ebé espalla iha mídia sosial katak, José Naimori Bucar halai sai husi regra izolamentu iha nia rezidénsia Surikmas ne'e laloos.

"Ida ne'e informasaun ne'ebe hasai husi Mídia sosial, no mídia públiku dehan ami-nia konselleiru partidu KHUNTO nian halai husi sala izolamentu, ida ne'e informasaun ne’ebé laloos”, dehan nia iha PN, kinta (08/04).

Deklarasaun ne'ebe fó sai Iha loron 28 fulan-marsu, hafoin governu halo dekretu lei muda filafali, Naimori ba kumpre izolamentu iha nia rezidénsia Surikmas iha loron 2 fulan-abril, no soma hamutuk Naimori kumpre izolamentu foin to'o loron 8 de'it.

Tanba iha loron 4 fulan-abril, Jose Naimori Bucar husik hela sala izolamentu iha nia rezidensia, hodi ba fahe nesesidade bazika ba vitima inundasaun sira iha terenu.

Deputadu, Luis Roberto konsidera informasaun ne'e laloos, tanba hafoin deteta tiha konseleru partidu KHUNTO pozitivu covid-19, médiku sira lori ba kumpre izolamentu iha Otel metiaut liu loron tolu, ne’ebé parte husi médiku mós ba filafali halo teste swab ba Naimori, mai rezultadu negativu ba covid-19.

Ne'e duni iha momentu ne'eba Ministériu Saúde rasik haruka fila ba nia rezidensia iha Surikmas.

"Tanba iha semana kotuk ne'eba, ami nia konseleru supremu halo SWAB hetan pozitivu, ba iha izolamentu Otel Metiaut, ba tama loron tolu iha ne'eba, depois halo teste tuir filafali katak nia negativu filafali, entaun nia iha diretu para atu sai fali mai liur”, nia konta tuir.

Tanba Konselleiru partidu KHUNTO, Jose Naimori Bucar la kontra regra ruma, tanba ida ne'e desizaun husi Ministériu Saúde.

Maibé, Vise Xefe bankada CNRT, Patrocino Fernades dos Reis, hatete nia parte duvida ho movimentu líder boot partidu KHUNTO nian tanba derepende mosu fali iha terenu hodi fahe hahán ba populasaun.

Aleinde kestiona mós ho servisu Ministériu saúde liuliu SIJK nian tanba lakonsege klarifika lolos informasaun ba públiku kona-ba Naimori rekopera husi Covid-19.

"Ha’u hanesan ema politiku, la'ós médiku, lalika dehan públiku de'it mak dúvida, mais ha’u mós dúvida, kuandu haree movimentu líder politiku ida, serake nia atu indereitamente husik ninia jestu, atu esplika ba ha’u, fó resposta ba ninia dúvida sira ne'e katak ne'e laiha duni”, haktuir nia.(*)

Tempotimor (Dili) - Bankada Kmanek Haburas Unidade Nasional Timor Oan (KHUNTO) iha Parlamentu Nasionál (PN) rejeita Deputadu husi bankada Congresso Nacional de Reconstrução Timorense (CNRT) ne’ebé akuza Prokuradór Jerál Republika viola lei, tanba define ona iha kódigu penal.

Tempotimor (Dili) - Xefe Bankada Kmanek Haburas Unidade Nasional Timor Oan (KHUNTO), Olinda Guteres, sujere ba Parlamentu Nasionál (PN) atubele deside koa saláriu puraentu limanulu (50%) husi deputadu 65 hodi bele apoia estudante ne’ebé hela iha kost (aluga uma).

Tempotimor (Dili)-Bankada Kmanej Haburas Unidade Nasional Timor Oan (KHUNTO) iha Parlamentu Nasionsl deskonfia deputadu 21 husi bankada CNRT hahú estres ba poder tanba halo deklarasaun gosta insulta deputadu no membru governu sein ho faktu (evidensia).

Deputadu Bankada KHUNTO Luis Roberto hatete, babain CNRT sempre kria insulta hasoru deputadu FRETILIN, KHUNTO, no PLP inklui membru governu sira tanba agora sira laiha ona poder iha governasaun ida ne'e.

"Ikus-ikus ne'e bankada CNRT hanesan buat ida karik sira Frustadu, Stres, ne'ebe halo deklarasaun politika buka insulta de'it bankada governu, hanesan KHUNTO, PLP, FRETILIN,"hatete nia liu husi deklarasaun polítika iha plenariu parlamentu nasional tersa (9/3).

Deputadu Luis hato'o deklarasun ne'e bazeia ba deklarasaun politika ne'ebe bankada CNRT lansa iha plenariu, dia 8 fulan marsu hodi akuza Vise Ministru Interior Antonio Armindo abuzu poder tanba orienta Polisia Nasional timor-leste (PNTL) ba kaputura sidadaun Arnaldo Mendes Ribeiro bazeia ba orden husi Jose Naimori Bukar.

Nia hatutan deklarasaun dehan Vise Ministru Antonio armindo rona ordena husi Naimori Bucar ne'e lalos, tanba iha momentu ne'eba wainhira polisia sira ba kaputra sidadaun arnaldo iha nia rezidensia manleuna ne'e tanba bazeia ba krimi ne'ebe nia komete.

"tanba iha dia 2 tersa, iha rezidensia Konselheiru Supremu partidu KHUNTO ninian iha manleuana, akontese vizinu balun ne'ebe ke solda portaun iha ne'eba metin no laiha rekoinesementu husi Naimori entaun ida ne'e konsidera hanesan Krimi tanba ne'e polisia ba kaptura,"nia konta tuir.

Hatan ba kestaun ne'e, deputada bankada CNRT Maria Fernanda Lai deklara, CNRT seidauk halo deklarasaun falsu maibe CNRT koalia ne'e bazeia ba faktu ne'ebe iha.

"Faktu mak ne'e, ami koalia tuir buat ne'ebe fo sai husi deklarasun sidadaun nian telveizaun, hau hanoin ita boot sira presiza hare televizaun," hatete nia.(*)

Tempotimor (Dili) - Bankada Kmanek Haburas Unidade Nasional Timor Oan (KHUNTO) deklara iha plenáriu katak, akuzasaun ne’ebé Bankada CNRT halo ba Ministru Transporte no Komunikasaun (MTK) ho Administrasaun Portu Timor-Leste, Instituisaun Publika (APORTIL, ip) falsu tanba laiha faktu.

Tempotimor (Dili) - Xefi bankada KHUNTO deputada Olinda Guterres agradese no senti kontenti ho prezensa deputadu husi bankada CNRT nian ho lian 'Piadas' bainhira hala’o plenária iha Parlamentu Nasional (PN).

Tempotimor (Dili) - Prezidenti bankada KHUNTO, Olinda Guterres sente triste no fakar sai desizaun bankada CNRT ne'ebé deside la partisipa iha debate espesialidade Orsamentu Jeral Estadu (2021) tinan 2021 ba loron hat (4) iha Parlamentu Nasional (PN).

Tempotimor (Dili)- Xefe Bankada Kmanek Haburas Unidade Nasionál Timor Oan (KHUNTO) Olinda Guteres, fó tempu prazu loron lima ba deputadu hamutuk na’in 21 husi partidu CNRT liga ne’ebé abandona debate Orsamentu Jerál Estadu (OJE) 2021 iha faze espesialidade.

Tempotimor (Dili)-Deputada Bankada CNRT Virgina Ana Belo husu ba prezidente bankada KHUNTO Olinda Guteres atu kuidadu ho lia-fuan tanba idade avansadu no ferik ona tenke hatudu izemplu di’ak nune'e labele estraga nia klamar.

Tempotimor (Dili) - Vise-prezidenti parlamentu nasional atual deputadu bankada Khunto liu husi deklarasaun votu hatete deklarasaun bankada CNRT hatudu momos ba povu katak sira lasimu realidade atu sai opozisaun, nune'e husu atu deputadu CNRT lé Konstitusaun RDTL (K-RDTL).