Tempotimor (Dili)-Komandu Falintil-Forsa Defeza Timor-Leste (F-FDTL) liuhusi komisaun rekrutamentu anúnsia ona lista naran ba kandidatu membru foun F-FDTL hamutuk na'in-atus-neen (600) ne'ebé aprovadu ona hodi prepara-an atu inkorpora ba membru foun F-FDTL nian.
Tempotimor (Díli)-Koordenadór Gabinete Apoiu Sosiedade Sivíl (GASS), Filipe da Costa hatete, organizasaun Komunitária no rezisténsia hamutuk 79 selebra akordu subvensaun atu suporta Governu implementa programa hodi asegura ai-hán seguru nutrisaun populasaun iha Timor-Leste.
"Iha grupu terseiru ida ne'e nia laran ne'e iha organizasaun iha baze komunitária iha 51 no organizasaun rezisténsia ne'ebé hetan benefisiáriu iha Apoiu Sosiedade Sivíl ne'e 28, objetivu husi akordu ne'e fó apoiu ba grupu sira inklui komunidade hodi suporta Governu atu asegura ai-hán ne'ebé seguru nia nutrisaun ba nia populasaun sira”, dehan Filipe da Costa iha Palásiu Governu, tersa (14/09).
Tanba husi ajudu sira ne'e bele apoiu komunidade sira atu hetan rendimentu loroloron nian, inklui mós ba organizasaun advokasia seluk sira atu garante nia governasaun iha rai laran.
"Ajuda no tulun komunidade hetan rendimentu uma-kain ninian nune'e mós atubele tulun ita-nia organizasaun liiga ba advokasia hodi tau matan ba servisu públiku sira atu asegura boa governasaun iha ita-nia rain ba direitu umanu demokrátika iha tempu oin mai”, esplika nia.
Atividade sira ne'ebé mak grupu sira hala'o hanesan ortikultura, no grupu seluk ne'ebé instalasaun bee-moos ba komunidade sira iha suku laran no iha grupu balun ne'ebé fó formasaun ba grupu agrikultór seluk. (*)
Tempotimor (Díli)-Primeiru Ministru (PM), Taur Matan Ruak husu, ba sidadaun Vítima dezastres naturais ka afeita inundasaun iha loron (04/04) ne'ebé mak oras ne'e sei kontinua iha lona okos aguenta oituan tanba governu presiza fatin definitivu no seguru ba sidadaun sira ne'e.
Tempotimor(Aileu)-Komunidade Aldeia Quirilelo, Suku Liurai, Postu Administrativu Aileu Vila, Munisípiu Aileu, haksolok ho prezensa Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, tanba bele mai enkoraja komúnidade sira hodi bele simu vasina kontra Covid-19.
.