Komadante Komandu Polísia Nasionál Timor Leste (PNTL) Munisípiu Lautém, António Rego Fernandes, haktuir, karreta bus jofer tula pasairu na'in-5 iha parte Ilomar atu ba Dili, maibé derepente iha dalan hasoru asidente.
"Iha parte ilomar nian, Bus naran jofer, sidadaun na'in-5 sa'e bus ne'e sira kanek hotu, mais sira kanek kaman, lori hotu ona ba tratamentu," dehan Komadante ba www.tempotimor.com via telefone, sesta (04/03).
Kundotór ne’ebé kondus Bus Jofer, dadaun, PNTL Munisípiu Lautém liuhusi seksaun Tranzitu prende ona hodi halo prosesu investigasaun.
"Bus ne'e ba rai naruk, husi estrada tun ba rai naruk ne'e, kuaze metru-7, akontese ne'e ohin dader molok doze oras," nia hatete
Tanba ne'e, komandu PNTL Munisípiu Lautém, apela ba kundotór sira, atu lori karreta tuir estrada ne'ebé kondisaun aat ho kuidadu no kontrola kondisaun karreta molok halo muvimentu, nune'e evita asidente. (*)