Tuir informasaun ne’ebé www.tempotimor.com, asesu iha pájina Primeiru Ministru, segunda (08/08) katak, PM Taur Matan Ruak, akompañadu husi Ministra Saúde (MS), Odete Maria Freitas Belo, Reprezentante OMS iha Timor-Leste, Diretora Jerál Ministériu Saúde no Diretór Nasionál HNGV, hala’o observasaun ba sala maternidade Óspital Nasionál Guido Valadares (HNGV).

Tanba vizita ne’ebé halo ba maternidade halo mós kampaña kona-ba oinsá inan sira kontinua fó susu ba oan sira tanba loron 1 to’o 7 fulan-agostu ne’e loron mundiál ba fó susu oan sira.

“Ha’u husu inan sira tau matan ba oan sira fó susu obrigatóriu husi kedas moris mai to’o fulan-neen. Ha’u iha sobriña ida, ajente saúde iha Ataúru entaun nia fó susubeen ba nia oan tinan rua ne’e di’ak tanba saida?. Ita ajuda ita-nia oan sira moris mai saúde di’ak e ne’e ajuda ita-nia nasaun”, afirma nia.

Tanba Timor-Leste trata hela Prezidente Repúblika ida, Primeiru Ministru, Ministra Saúde, Diretór Jerál, no Jenerál ida, bebé sira mak ba futuru kaer nasaun no presiza kuidadu sira,

“Porque ita-nia esforsu agora ne’e sentidu laiha tanba ita entrega ba sé?. loron aban nian, loron aban sira-nian, entaun hanesan ita kuda sabraka karik tau estrumo di’ak, pupuk di’ak para nia boot nia fó buras fuan mós boot ita tau matan ba ita-nia oan sira mós hanesan ne’e”, dehan Taur.  (*)