Nune'e, SIJK aviza komunidade sira atu mantein fatin moos iha areadór uma nian hodi prevene moras denge.

"Ita tenke kontinua investiga no responde ba surtu seluk no emerjénsia hanesan denge maski ita mós nafatin foka ita hotu nia enerjia no rekursu hodi prevene ba Covid-19," dehan Portavós SIJK, Odete da Silva Viegas, iha Sentru Konvensaun Dili (CCD), Sesta (1/5).

VIDEO PUBLISIDADE APELU HUSI PM TAUR APLAUS BA FRONT LINE

Ne'e duni, Diretora Jerál Prestasaun Saúde ne'e mós husu ba povu Timor-Leste tomak atu mantein fatin moos atu susuk labele moris.

"Hamoos fatin sira ne’ebé bee nalihun hanesan bee iha vazu ai-funan, bee iha roda laran, no mós bee iha botir laran," dehan Odete.

Doutora mós dehan, tenke tesi duut sira ne'ebé iha uma sorin-sorin, haloot sasán sira iha uma laran, uza moskateiru, uza faru no kalsa naruk iha fatin ne'ebé susuk barak.

Entretantu, doutora mós husu sosiedade atu uza ai-moruk anti-septik no husu tulun ba iha servisu saúde ne’ebé besik atu bele halo fumigasaun (rega susuk) iha komunidade sira-nia uma. (*)

 PUBLISIDADE