Pasiente ne'ebé rekuperadu husi infekasaun Covid-19 aumenta ba na'in 21.

"Ohin iha pasiente rekuperadu ida tan, entaun hamutuk na'in 21 maka rekopera ona, husi rekoperasaun ne'e na'in 17 husi kazu konfirmadu no na'in 4 husi kazu provavél," dehan Portavós Sentru Integradu Jestaun Krize (SIJK), Sergio Lobo, iha Sentru Konvensaun Díli (CCD), Kuarta (6/5).

VIDEO PUBLISIDADE APELU HUSI PM TAUR APLAUS BA FRONT LINE

Nia afirma, pasiente rekuperadu ohin ne'e pesoál saúde ne'ebé konfirmadu ba covid-19.

"Rekuperadu foun ohin ne'e ita nia profisionál saúde ne'ebé uluk infetadu ne'e rekupera tiha ona, tanba teste negativu dala rua tutuir malu," dehan Lobo.

Entretantu, sidadaun ne'ebé halo ona teste hamutuk 738, husi numeru ne'e kazu konfirmadu 24 husi kazu konfirmadu  ne'e na'in 17 maka rekopera ona inklui provavél na'in 4.

Sidadaun sira ne'ebé sei iha sala izolamentu hela na'in 7,  sira ne'ebé teste negativu hamutuk 622, sei hein rezultadu 92, sira ne'ebé sei iha kuarentena 173, inklui profisional saúde sei iha kuarentena 21, nune’e sira ne'ebé liu ona periodu inkubasaun hamutuk 2.052.

 PUBLISIDADE