Pasiente Covid-19 Ida Rekopera Tan, Iha Izolamentu Hela Nain 5

By Tempo Timor May 14, 2020 1052

font size decrease font size increase font size
Print
Email

Portavoz Sentru Integradu Jestaun Krizi (SIJK) Dr. Rui Maria de Araoju, ko'alia ba Jornalista sira iha Sala Situasaun, iha CCD (14/5) Foto arkivu

Tempotimor (Dili)- Portavoz Sentru Integradu Jestaun Krizi (SIJK) Dr. Rui Maria de Araoju informa, ohin pasiente ida rekopera tan no dadaun ne'e, sei iha izolamentu Sentru Saúde Vera Cruz hela de'it na'in 5.

"Ohin dia 13 de Maiu totál kazu kumulativu komfirmadu sei nafatin 24 la iha mudansa, kazu rekuperadu aumenta tan ida, husi totál kazu rekuperadu iha loron hirak liu ba iha 22 kazu nune'e agora rekuperadu totál 23 ona", Informa Nia liu husi konferénsia imprensa iha Sala Situasaun, Sentru Konvensoes Dili, kuarta (13/5).

VIDEO PUBLISIDADE APELU HUSI PM TAUR APLAUS BA FRONT LINE

Porta-Vóz ne'e hatutan tan katak, husi kazu rekuperadu na'in 23 ne'e, na'in 19 mak husi kazu konfirmadu no na'in 4 husi provável no na'in 5 sei nafatin iha fatin izolamentu Vera Cruz.

"Sira ne'ebé rekuperadu ne'e na'in 19 mai husi kazu komfirmadu no na'in 4 husi kazu provável ne'ebé ita hotu hatene, í ne'e signifika mós katak, totál kazu ne'ebé oras ne'e sei baixa iha fatin izolamentu Vera Cruz sei hela ema na'in 5", tenik Nia

Nia subliña, kazu analiza laboratóriu iha 1.120 no totál rezultadu negativu iha na'in 802, sira ne'ebé hein rezultadu hamutuk 274.

PUBLISIDADE

"Aproveita atualiza mós kazu kona-bá analiza laboratóriu ne'ebé durante ita halo ida ne'e totál kazu amostras ne'ebé rekolla atu halo izame laboratóriu to'o ohin totál 1.120, sira ne'ebé rezultadu negativu totál 802 no sira ne'ebé sei hein rezultadu 274", Porta-Vóz ne'e relata

Nune'e sira ne'ebé mak sei iha kuarentena obrigatóriu hamutuk na'in 84 no iha Auto-kuarentena na'in 3. Sira ne'ebé mak livre ona husi kuarentena 2.181 kompostu husi Díli 1.703 no husi munisípiu sira seluk hamutuk na'in 471.

PUBLISIDADE

Rate this item

(0 votes)

Last modified on Thursday, 14 May 2020 15:11

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com