"Ohin hasoru Primeiru Ministru, Taur Matan Ruak, ko'alia hela kona-ba preparasaun enseramentu sala situasaun Sentru Integradu Jestaun Krizi (SIJK)", dehan Aluk, hafoin hasoru-malu ho Primeiru Ministru, iha Palasiu Governu, Segunda (29/6).
Nia hatutan, sala SIJK ofisialmente taka tanba Estadu Emerjénsia remata ona no laiha tan estensaun.
"Estadu Emerjénsia hotu tiha ona, ne'e duni Primeiru Ministru ba ofisialmente atu ensera aban (Tersa 30 Juñu 2020)", tenik Aluk.
Nia salienta, enseramentu ba sala SIJK sei realiza iha tuku 10:00 dadeer, fatin Sentru Konvensaun Dili (CCD). (*)