Kolokasaun ne'e, tanba kazu pozitivu iha Timor-Leste aumenta ba bei-beik ona, nune'e PNTL sira servisu hamutuk ho Ministeriu saude hodi kontrola.
Tuir komandu PNTL Munisipiu Dili superentendente Xefe Henrique da Costa katak, servisu hamutuk ho ekipa saude sira hodi koloka seguransa ba iha fatin karantina sira atu bele kontrola pasageirus sira ne'ebe tama iha karantina hodi kumpri regras ne'ebe ministeriu saude fo sai ona.
"Fatin ne'ebe ita koloka seguransa ne'e maka iha fatin haat, Dom Alexu nian, Cristu Rei, Nain Feto no mos iha Verra Kruz", nia informa iha Komandu Munisipiu Dili, Kaikoli, Segunda (28/12).
Nia mos husu ba pasageirus sira atu kumpri nafatin regras ho diak hodi bele kuidadu nafatin saude, nune'e labele iha hada'et ba komunidade sira, tanba surtu covid-19 ne'e iha nasaun hotu preokupa.
Kolokasaun membru PNTL ba kada kuarentina ne'e, nia garante katak, bele kontrola no kombate korente moras Covid-19 iha sosiedade.
"Hau fiar katak liu husi ekipa konjunta ne'ebe mak iha, bele servisu hamutuk ho koperasaun ne'ebe diak, hodi bele kontrola buat sira ne'e ho diak", dehan nia
Kazu pozitivu Covid-19 foun ne'ebe dadaun iha Timor-Leste hamutuk na'in 13 ona. (*)
