Ministra Saúde (MS), Odete Maria Freitas Belo hateten, MS liuhusi governu konstitusionál da-ualu, iha nia misaun mak atu asegura no fortifika sistema nasionál saúde iha nível hotu-hotu ba estabelsimentu kuidadu prestasaun saúde nian hanesan iha Hospitál Nasionál Guido Valadáres (HNGV), Ospitál rejionál, munisipál, sentru saúde, postu saúde, SISCA no Saúde na família.
“Tanba tinan 2021, ita komprometidu atu haforsa programa saúde-na-família, sira ne'ebé simu termus-de-aseitasaun nu’udár profisionál saúde ne'ebé sei liga diretamente ho pasiente iha kuidadus prestasaun primárius no Ospitais sira nian tuir ida-idak nia área espesializasaun”, Ministra Saúde (MS), Odete Maria Freitas Belo dehan durante diskursu ba serimónia asinatura termu aseitasaun o funsionáriu nain 134 iha salaun Palásiu Sinzas Kaikoli, Tersa (29/12).
Nia dehan, ho estabelesimentu sira ne'e hotu mak hamutuk sei bele hatudu dezempeñu ida di'ak, ba prestasaun saúde nian iha nível komunidade.(*)