Maske númeru kada loron iha aumenta nafatin, maibe iha mós rekuparadu ne’ebé fó sai loron sábadu (20/03) hamutuk na’in-3.

“Ohin, iha mane na’in-6, feto na’in 13, ema ho idade tinan 13, na'in 1, ema ho idade entre tinan 16-79 na'in 18, ema sintomátiku 3, ema asintomátiku 16”, dehan Rui liuhusi Zoom conference, sábadu (20/3).

Haree ba evolusaun covid-19 iha munisípiu Dili detalla ho kasu foun 19 hanesa, Kazu pozitivu 3, kontaktu-besik ho kazu konfirmadu iha BTN III, Aldeia Terra Santa, Suku Madohi, Postu Administrativu Dom Aleixo.

Iha mós kazu pozitivu 1 kontaktu-besik ho kazu iha cluster Aldeia Maucocomate, Suku Bekora, Postu Administrativu Cristo Rei. Maibé kazu pozitivu2, kontaktu-besik ho kazu konfirmadu ida iha cluster HNGV, hela iha Aldeia Berbidu, Suku Bekora, PostuAdministrativu Cristo Rei.

Ba kazu pozitivu 1 hela ihaAldeia Bidau Tokobaru 2,Suku Kulu-hun, Postu Administrativu Cristo Rei. Pozitivu ida ne’e kontaktu-besik ho kazu iha cluster Aldeia Lirio, Suku Motael, Postu Administrativu Vera Cruz.

Ba kazu pozitivu 10, hela iha Aldeia 20 de Setembro, Suku Bebonuk, Postu Administrativu Dom Aleixo. Pozitivu hirak ne’e kontaktu-besik ho kazu iha cluster hanesan. Iha kazu pozitivu 1, hela iha Aldeia Grilos, Suku Gricenfor, Postu Administrativu Nain Feto. Pozitivu ida ne’e kontaktu-besik ho kazu husi cluster balun iha Comoro.

Husi kazu pozitivu 1, hela iha Aldeia Gideon, Suku Vila-Verde, Postu Administrativu Vera-Cruz. Pozitivu ida ne’e kontaktu-besik ho kazu husi cluster HNGV.

“Ho nune’e, kazu detetadu ka pozitivu iha Munisipiu Dili husi dia 7 de Marsu 2021, to’o ohin, 20 de Marsu de 2021, hamutuk hotu 136”, dehan nia.

Ho baze ba informasaun ne’ebé ekipa konjunta saúde nian rekolle, foku/cluster kazu pozitivu iha Dili, hetan revizaun mak, azu detetadu 136 iha Dili ne’e, fahe ba cluster 34, namkari iha instituisaun 4, eventu 1, Suku 10, fatin kuarentena 1, iha Postu Administrativu D. Aleixo, Vera Cruz, Nain Feto & Cristo Rei.

Nune'e husi cluster 34 ne’ebé iha, liu 50% mak la ativu ka, sira nia kazu la aumentaiha semana ida ikus, hanesan pur ezemplu cluster MTC, SEFOPE, Ministeriu Finansas ho tan sira seluk.

“Munisípiu Baukau ho Munisípiu Vikeke ohin laiha kazu foun. Dadus ne’ebé iha, pur enkuantu hatudu katak kazu hirak ne’ebé detetatu iha Baukau (na’in-8) no iha Vikeke (na’in-3), nu’udar kazu ne’ebé lori sai husi Dili, entre 5 ho 9 de Marsu de 2021”, informa nia

Ba atividade prevensaun nobmitigasaun Covid-19 iha Munisípiu sira seluk la’o hanesan bai- bain.

“Rezultadu husi horiseik mai ohin hamutuk hotu halo 628 testes PCR”, afirma nia. ( *)