"Hau akompanã nia estavel hela, prontu ita hein nia rekopera," dehan Odete iha Parlamentu Nasional (PN) Dili, Sesta (23/04).
Membru governu ne'ebé baiza iha sala Izolamentu vera Cruz ne'e maka Sekretáriu Estadu Terras no Propriedade (SETP), MX ne'ebé tuir observasaun husi ministra saúde katak antes MX uza oksizemniu maibe depois iha akompanãmentu husi pessoal mediku pasiente Covid 19, MX la depende ona ba oksizemniu.
"Hau la rona nia uza ventilador maibe nia uza oksizemniu , ba Primeiru nia uza buat-ida naran sipap oksizemniu kiik oan tanba nia dada is susar oituan depois agora nia la uza ona oksizemniu la dependensia ba oksizemniu," dehan Odete.
Odete hateten kona-bá kategoria grave ka lizeiru komforme ba observasaun husi mediku sira.
"Grave ka lizeiru ne'e depende ba ita-nia mediku infermeiru sira akompanã ba pasiente ne'e rasik," dehan Odete.
Odete esplika, bainhira publiku prekupa ho izolamentu e hakarak deit auto izolamentu ne'ebé fo risku ba paseinte tan ba mudansa paseinte ida husi lizeiru ba grave presiza akompanã husi pessoal saúde," nia esplika.
"Ita nungka senti dezenvolvementu pasiente ida-nia, entaun ita hakarak paseinte tau iha ospital para ita akonpanã," dehan Odete.
Iha fatin hanesan Ministru Prezidenti Konsellu Ministru, Fidélis Mangalhães hateten bainhira ema ida moras presiza halo tratamentu no dejezu atu membru Governu ne'ebe baixa ona iha sala Izolamentu Covid 19, Vera Cruz bele diak lalais.
"Ita deseza diak lalais, rekoperasaun lalais para bele fit filafali," dehan Fidelis ba Jornalista sira.