Aumenta prevalénsia iha semana ida ikus, kompara ho semana rua liuba hatudu surtu iha Munisípiu Dili aumenta bebeik no ema barak mak infetadu ona.
Rui esplika, entre loron 2 fulan-abril ho 15 fulan-abril 2021 (semana 2), prevalénsia 3,5% (264 pozitivu husi 7564 pesoál ne’ebé halo teste rastreiu aleatóriu & rastreiu atu halo viajen sai husi serka sanitária Munisípiu Dili).
“Entre 16 Abril ho 22 Abril 2021 (semana 1): Prevalénsia 7.3% (425 pozitivu husi 5799 pesoál ne’ebé halo teste rastreiu aleatóriu & rastreiu atu halo viajen sai husi serka sanitária Munisípiu Dili)”, informa nia.
Haree mós ba faktu katak maioria husi ema ne’ebé detetadu pozitivu mak la hatudu sintomas siknifika SARS-Cov-2 da’et maka’as ba populasaun Díli nia le’et.(*)