Diretór ezekutivu Servisu Autónomu Medikamentu no Ekipamentu Saúde (SAMES), Santana Martins, ho aimoruk ne’ebé falta sira halo hela esforsu kontratu ba kompaña sira, oinsá bele lori filafali produtu ai-moruk sira ne'e mai Timor-Leste.
"Iha mós ai-moruk balu ne'ebé liga ho ida esensial. Ne'e kuaze ita iha 51 items, ne'ebé mak laiha. Ida seluk mak, ida ne'ebé halo ami difikuldade oituan mak ai-moruk espesialista sira ne'e”, dehan Santana iha Aeroportu, Komoro, kuarta (06/05).
Tanba ne’e, dala rum la konsege hetan ai-moruk sira ne'ebé espesialista nian, liliu sira ne'ebé mak ba trata iha nasaun seluk, hafoin lori fila mai TL, maibé dala-ruma sira seidauk iha lista ida hodi halo kompras.
"Katak dala-ruma ita lori reseita ne'e buka duni iha rai laran, mais susar tebtebes, tanba ai-moruk ne'e, level espesialista ninian, tanba ne'e mak difikulta tebtebes ami haree”, informa nia.
Ba aí-moruk espesialista nian sira lahatene, tanba depende ba moras sira husi ema ba baixa iha Ospitál, bainhira, aimoruk ne'ebé médiku sira rekomenda, dalaruma lahatene oinsá halo akizisaun regulár ba ai-moruk.
Maske, items espesial ladun dekor didi'ak, maibé moras sira hanesan ho fuan, rins, no ai-moruk ne'ebé liga ho pulmaun, dala ruma susar atu hetan.
“Ita susar atu hetan hanesan baibain Ita-boot sira hatene ai-moruk korasaun ninian, balu mak moras komplikasaun sira ne'ebé mak liga ho hemodeliza, moras rins, liga mós ho ita-nia fuan ne'e, hanesan moras komplikadu", dehan nia.
Maibe, iha fulan-abril ne'e, situasaun "Stoc" enjerál ne'ebé rejista iha sistema SAMES nian, dadauk ne'e pursentu 19 (19%) mak laiha.
"Katak ita iha 81 pursentu, ai-moruk sira disponivel hela iha ita-nia rai laran. Iha parte ida ne'e, ita deskreve filafali ba ai-moruk sira ne'ebé vitál ne'e”,
hatete nia.
Maibé, dadaun ne’e, aimoruk sei iha ho kuantidade hamutuk 95 items ne'ebé sei iha, maibé 15 mak "stock out" no oras ne'e hahú mamuk. (*)