Tanba ejizistensia Covid-19 iha Timor-Leste konsege tuir dadus ne’ebé fó sai husi SIJK hamate ona ema na’in-8, inklui mós artista Juga Gama ne’ebé hakou iha loron 13 fulan-maiu tinan 2021.
“Ohin de'it sidadaun na'in-tolu mak husik mundu ida ne'e, inklui ida mak artista foinsa’e ida, (Juga Gama). Centro Integrado Gestão de Crises (CIGC) tenke koordena ho forsa seguransa no defesa no autoridade komunitária atu impoem serka apertadu iha sira ida-idak nia bairro, Suku ka Aldeia”, deklarasaun Mari Alkatiri ne'e www.tempotimor.com asesu iha ninia pájina facebook, kinta (13/05).
Matebia na’in-tolu ne'ebé hakotu iis ho covid-19, ida mak Juga Gama, no na’in rua seluk bainhira médiku halo teste swab ho rezultadu ne’ebé covid-19, maibé ida lori ba nia uma iha Kaikoli, ida seluk ba munisípiu Likisá.
Maske ema na’in-tolu hakotu ona sira-nia pregrinasaun iha mundu maibé sira mós husik hela virus iha sira-nia uma, ho sira ida-idak nia família no vizinu.
Tanba ne’e, rekomenda ba CIGC atu defini didi’ak regra ba proteje sira ne'ebé hela iha fatin prizaun Bekora, Suai no Gleno. (*)