Membru Governu Teófilio Nia Kaben Tara-an Iha Bebonuk

By Tempo Timor May 16, 2021 4426

font size decrease font size increase font size
Print
Email

Polísia Nasionál Timor-Leste (PNTL) hit hela matebian LM tula ba kareta, domingu (16/05). Foto Tempo Timor

Tempotimor (Dili)- Membru governu, Sekretáriu Estádu Arte no Kultura (SEAK), Teófilio Caldas nia kaben ho naran inisial LM, hakotu ona iis iha loron domingu (16/05/2021), tanba tara-an iha ninia rezidensia Aldeia 20 Setembru, Suku Bebonuk, Postu-administrativu Dom Aleixo, Munisípiu Dili.

Matebian ne'e husik hela oan na'in-4, mane 3, feto ida no inklui oan hakiak ida.

Tuir observasaun www.tempotimor.com iha terenu nota katak, matebian LM tara-an hela iha uma laran ho kondisaun ne'ebé tali iha hela kakorok no ain kona hela rai.

Iha fatin refere, parte autóridade seguransa Polísia Nasionál Timor-Leste (PNTL) dada hela fita hodi asegura.

Maibé, iha tuku 12:10 otl mate isin ne'e transporta ona ba Hospitál Nasionál Guido Valadares (HNGV) atu submete ba autopsia.

To'o notísia ne'e públika seidauk hetan konfirmasaun ho autoridade seguransa kona-ba motivu matebian LM tara-an ne'e. (*)

Rate this item

(1 Vote)

Last modified on Sunday, 16 May 2021 14:03

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com