Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo relata, bazea ba gráfiku iha númeru Covid-19 nian hatudu katak, média (rata-rata) husi insidénsia Covid-19 iha Timor-Leste durante loron 7 ikus mak 13,2/100 mil abitante.
Enkuantu ba de'it munisípiu Dili 41,3/100 mil abitantes no lista tuir mai hatudu valor nominal média (rata-rata) taxa insidénsia Covid-19 durante loron 7 ikus, hanesan, iha munisípiu, Aileu 0,3/100 mil, Lautein 0,0/100 mil, Ainaro 0,4/100 mil, Likisá 0,0/100 mil, Baukau 2,4/100 mil, Manatuto 2,6/100 mil, Bobonaro 9,3/100 mil, Manufahi 0,2/100 mil, Covalima 8,4/100 mil, RAEOA 0,4/100 mil, DIli 41,3/100 mil, Vikeké 6,0/100 mil no Ermera 0,3/100 mil.
"Insidénsia iha leten sei nafatin hatudu katak, munisípiu Dili maka fatin ho risku bo’ot liu atu populasaun hetan da’et no hada’et tutuan virus SARS-CoV-2, tuir kedan mak, munisípiu Bobonaro ho Covalima”, dehan nia liuhusi Zoom Conference, segunda (24/05).
Nune'e, iha loron 24 fulan-maiu 2021, kazu detetatu foun 179 (iha Dili 151, iha Munisípiu seluk 28), mane 78, feto 101 ho idade tinan 12 na'in-7 ho idade entre tinan 12-59 na'in-168 (93,8%) ho idade 60 na'in-4 no proporsaun kazu sintomátiku hamutuk 10%.
"Kazu rekuperadu 120, kazu ativu 2601 no total kazu konfirmadu kumulativu iha 24 fulan-maiu2021 (sura husi 21 Marsu 2020) 5816”, afirma Rui.
Rezultadu teste husi loron 23 to’o 25 fulan-maiu, hamutuk hotu Laboratóriu Nasionál Saúde (LNS) halo 726 testes PCR iha Dili, ho detalla hanesan, vijilánsia sentinela 53, Rastreiu ba kontaktu (Contact tracing) 102, Rastreiu Aleatoriu (Random Screening) 126, Viajen sai husi serka sanitária munisípiu Dili 416, Viajen internasionál 19 no follow up iha kuarentena 10. (*)