"Kazu rekuperadu ne’ebé relata iha loron 15 fulan-Jullu 2021 hamutuk 61 no totál kazu ativu 890”, Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, kinta (15/07).
Kazu detetadu ne’ebé relata Iha loron 15 fulan-Jullu tinan 2021 foun 37 (iha Dili 21, munisípiu seluk hamutuk 16) mane 23, feto 14 ho idade entre tinan 12-59 na'in-36 (97,2%) ho idade 60 na'in-1, 5,4% maka sintomátiku (hatudu sintomas) no totál kazu konfirmadu kumulativu iha 15 fulan-Jullu 2021 (sura husi 21 Marsu 2020) hamutuk 9997.
Hahú loron 14 to’o 15 fulan-Jullu, hamutuk hotu Laboratóriu Nasionál Saúde (LNS) halo 661 testes PCR iha Dili, ho detalla hanesan, Vijilánsia sentinela 11, Rastreiu ba kontaktu (Contact tracing) 80, Rastreiu Aleatóriu (Random Screening) 72, Viajen sai husi serka sanitária munisípiu Dili 499, Viajen internasionál 0 no follow up iha kuarentena 32.
Rezultadu testes PCR ne’ebé halo iha loron 14 fulan-Jullu iha munisípiu sira seluk REAOA ho HNGV, hamutuk 391 ho detalla hanesan Baukau 163, Ermera 77, Maliana 22, Maubisse 82, RAEOA 0, Suai 4, Vikeke 25 no HNGV 18. (*)