"Óbitu ne’ebé relata ohin (08/08) na'in-1 (ida) ho detalla hanesan mane idade tinan 67, Timoroan hela iha Bebonuk, Dili, diagnostikadu ho Covid-19 (Cycle Threshold: N2 gene 20,2, Egene 18,2) iha HNGV, iha loron 7 Agostu 2021”, dehan nia liuhusi komunikadu impremsa, domingu (08/08).
Metebian iha istória insufisiénsia renal faze terminal, hala’o tratamentu regular ho hemodiálize.
Iha loron 7 fulan-Agostu lorokra’ik aprezenta-an iha emerjénsia HNGV ho sindroma insufisiénsia respiratória aguda (SIRA) ka susar/difisil atu dada-iis no iha loron ne’e kedas transfere ba hala’o tratamentu iha Vera Cruz tuir protokolu tratamentu Covid-19.
Hafoin oras balun, pasiénte la mellora, no i’is kotu iha tuku 21:45, tanba respiratoric failure no multiple organ failure.
Nune'e Família koordena ho ekipa saúde atu hala’o funeral tuir protokolu ne’ebé adopta iha Timor-Leste. (*)
