Tanba ne’e, vítima Joanico tenke ba simu vasina AstraZeneca iha sentru saúde Formoza, hafoin simu nia moras (Struk) kedan.
Ho despaixu husi Governu ema ne'ebé simu vasina mak hetan mate ou aleiza ruma Governu sei responsável, nune'e husu ba Governu liuhusi Ministériu Saúde atu fó atensaun ba nia moras ne'e tanba antes ba simu vasina nia laiha moras seluk ruma.
"Ha'u husu Governu no MS atu haree no responde ba ha'u-nia moras ne'e, tanba ha'u-nia família sira kbi’it laiha, no durante ne'e ha'u mak sustenta sira ho servisu ne'ebé ha'u iha, maibé tanba Governu dehan funsionáriu hotu tenke simu vasina hafoin bele tama servisu, nune'e ha'u tuir vasina maibé to’o ikus ha'u moras todan fali hanesan ne'e entaun ha'u sente triste tebes”, dehan Joanico iha nia hela fatin Suku Madohi, Tasitolu, sesta (20/08).
Bainhira simu doze dahuluk iha Sentru saúde Formoza laiha problema ruma ho nia, maibé ho vasina doze daruak mak fila ba uma sente liman ain kolen, oin nakukun to'o la'o la di'ak no dólar de'it.
"Vasina primeiru ne'e ha'u di'ak hela, maibé ba fali vasina daruak ne'e ha'u filafali mai uma lansun liman ain kolen hotu, oin nakukun to’o ikus halo ha'u monu ba rai hodi ha'u dólar de'it la'o la di'ak”, konta tuir.
Maske sai hanesan vítima ba Vasinasaun, maibé seidauk hetan atensaun husi Governu liliu MS ho nune'e família husu ba Governu atu resposabiliza ba nia moras tanba nia hetan moras ne'e bainhira kumpri despaixu Governu nia. (*)