"Oitavu Governu nia programa konstitusionál prioridade iha tempu agora ne'e mak, oinsá halo Kampaña maka’as hodi halo vasinasaun ba ita-nia komunidade tomak, nune'e ohin ami mai atu halo Kampaña nasionál no konsensializa komunidade sira atu simu vasinasaun”, dehan Ministru Francisco Martins iha Sentru Saúde Manatuto, tersa (24/08)

Tanba vasina mak dalan di'ak no los atu kontra pandemia Covid-19 ne'ebé ameasa dadaun ema hotu iha Mundu inklui Timor-Leste.

Nunee' husu ba populasaun hotuhotu liliu munisípiu Manatutu atu hakbesik-an ba sentru saúde hodi simu vasinasaun atu salva-an, salva família.

Koordenadór Jerál ccovid-19 Ministériu Saúde, Odete da Silva Veigas, husu ba entidade hothotu iha Munisípiu Manatuto atu kolabora malu oinsá konsensializa nafatin komunidade sira atu bele ba simu vasina.

"Tanba laiha ona dalan seluk atu ita bele hapara moras ne'e iha ita-nia leet, tanba ne'e tenke aselera ona vasina ne'e iha ita-nia komunidade, ami mesak labele tanba ne'e husu tulun ba entidade hotu iha Manatuto atu konsensializa komunidade hodi bele hakbesik-an mai simu vasina", dehan nia.

Husu ba populasaun sira iha Manatuto ne'ebé simu ona doze primeiru hakbesik-an hodi halo kompletu ba doze daruak no husu nafatin ba sira ne'ebé seidauk simu vasina hakbesik-an ba iha sentru saúde hodi simu vasina doze dahuluk.

Tanba dadaun ne'e Timor-Leste iha ona risku boot ba pandemia Covid-19 ho nia variante foun Delta ne'e no munisípiu Manatuto mós tama hotu iha risku.

Administrador Munisípiu Manatuto, Bernardo Lopes, agradese ba prezensa MAPKomS no MS iha Manatutu hodi halo Kampaña nasionál vasinasaun ba Covid-19.

"Agradese ba prezensa MAPKomS ho MS no entidade hotu nia ho prezensa ita-boot sira-nia bele enkoraja ona komunidade sira hotu bele simu Vasina hodi luta hasoru pandemia Covid-19", afirma nia.

Entretantu iha Munisípiu Manatuto komunidade ne'ebé dadaun ne'e simu vasina doze dahuluk atinje ona pursentu haatnolu (40%) no doze daruak iha ona pursentu sanilu (10%). (*)