"Kazu detetatu ne’ebé relata ohin, loron 27 Agostu 2021 foun 357 (iha Dili 228, Covalima 29, Vikeké 25, Baukau 24, Ainaro 18 ho munisípiu seluk hamutuk 33), mane 188, feto 169 no mate na'in-2", dehan nia liuhusi komunikadu imprensa, sesta (27/08.

Husi totál kazu detetadu foun hirak ho idade tinan 20 na'in-94 (18%) ho idade entre tinan 12-59 na'in-2246 (68,9%) ho idade 60 na'in-17, 168 kazu ka 47% mak sintomátiku (hatudu sintomas), 108 (30%) iha ona vasina kompletu ho 40 (11%) hetan ona vasina doze dahuluk, kazu rekuperadu 185, kazu ativu 4.373 no totál kazu konfirmadu kumulativu iha 27 Agostu 2021 (sura husi 21 Marsu 2020) hamutuk 15.960.

Husi totál óbitu ne’ebé relata na'in-2 (rua) iha mane ho idade tinan 78, Timoroan hela iha Dili, seidauk vasina iha 24 Agostu 2021 diagnóstikadubsindroma insufisiénsia respiratóriabaguda (SIRA) tanba Covid-19 no hahú halo tratamentu iha Vera Cruz iha loron ne’e kedas. Iha loron 26 fula-agustu kalan 19h10 matebian iis-kotu.

Iha mós mane ho idade tinan 58 Timoroan hela iha munisípiu Bobonaro seidauk vasina iha 21 Agostu 2021 diagnóstikadu sindroma insufisiénsia respiratória aguda (SIRA) tanba Covid-19 no hahú halo tratamentu iha Lahane iha loron ne’e kedas.

Iha loron 26 fula-agustu kalan 19h10 matebian iis-kotu. Família koordena hela ho ekipa saúde sira atu hala’o funerál tuir protokolu ne’ebé adopta iha Timor-Leste.

Hahú husi loron 26 to'o 27 Agostu, hamutuk hotu Laboratóriu Nasionál Saúde (LNS) halo 938 testes PCR iha Dili ho detalla hanesan vijilánsia sentinela 73, rastreiu ba kontaktu (contact tracing) 239, rastreiu aleatóriu (random screening) 337, viajen sai husi serka sanitária munisípiu Dili 254, viajen internasionál 9 no follow up iha kuarentena na'in-26.

Rezultadu testes PCR ne’ebé halo iha loron 26 Agostu, munisípiu sira seluk REAOA ho HNGV hamutuk 498 ho detalla hanesan Baukau 95, Ermera 16, Maliana 48, Maubisse 44, RAEOA 44, Covalima-Suai 115, Vikeké 38, Lautein-Lospalos 17 no HNGV 81. (*)