Pasiénte Covid-19 Na'in-5 Mate, Kazu Foun 133

Covid-19 Timor-Leste. Covid-19 Timor-Leste. Foto Suplay

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, pasiénte Covid-19 na'in-5 mate iha izolamentu no kazu foun hamutuk 133.

"Kazu detetatu ne’ebé relata ohin, 12 Setembru 2021 foun 133 (iha Dili 70, ' RAEOA 22, Lautein 18, Baukau 10 ho munisípiu seluk hamutuk 13), mane 69, feto 64 no totál óbitu na'in-5", dehan nia liuhusi komunikadu imprensa, domingu (12/09).

Husi totál kazu detetadu foun hirak ho idade 20 na'in-29 (21,8%) ho idade entre 12-59 na'in-94 (70,6%) ho idade 60 na'in-10, kazu rekuperadu 168, kazu ativu 3.105 no totál kazu konfirmadu kumulativu iha 12 Setembru 2021(sura husi 21 Marsu 2020) hamutuk 18.515.

Enkuantu totál óbitu ne’ebé relata iha loron 12 fulan-setembru na'in-5 (lima), ho detalla Mane ho idade 14, hela iha Lospalos, la vasina, iha 10 Setembru 2021, diagnóstikadu ho sindroma insufisiénsia respiratória aguda (SIRA) tanba Covid-19. Loron ne’e kedas matebian hala’o tratamentu iha Vera Cruz.

Matebian sofre mós moras tétanu no matebian iis-kotu horikalan, 22h10.

Iha mós mane ho idade 63, hela iha Lospalos, seidauk simu vasina, iha 5 Setembru 2021, diagnóstikadu ho sindroma insufisiénsia respiratória aguda (SIRA) tanba Covid-19. Loron ne’e kedas matebian hala’o tratamentu iha Lahane. Matebian iis-kotu horikalan, 22h25.

Matebian Feto ho idade 56, hela iha Suai, seidauk simu vasina, iha 11 Setembru 2021, diagnóstikadu ho sindroma insufisiénsia respiratória aguda (SIRA) tanba Covid-19, iha Ospitál Referénsia Suai no hahú hala’o tratamentu loron ne’e kedas iha ospitál ida ne’e, tuir protokolu tratamentu Covid-19. Matebian sofre mós moras diabete ho moras fuan no matebian iis-kotu horikalan, 19h20.

Matebian Mane ho idade 97, hela iha Baukau, seidauk simu vasina, iha 11 Setembru 2021, diagnóstikadu ho sindroma insufisiénsia respiratória aguda (SIRA) tanba Covid-19, iha Baukau no hahú hala’o tratamentu loron ne’e kedas iha fatin izolamentu iha Baukau tuir protokolu tratamentu ba Covid-19.

Iha mós matebian Mane ho idade tinan 41, hela iha Maliana, seidauk simu vasina, iha 9 Agostu 2021, diagnóstikadu ho sindroma insufisiénsia respiratória aguda (SIRA) tanba Covid-19. Loron ne’e kedas matebian hala’o tratamentu iha Vera Cruz tuir protokolu tratamentu ba Covid-19.

Hahú husi loron 11 to’o 12 Setembru 2021, hamutuk hotu Laboratóriu Nasionál Saúde (LNS) halo 286 testes PCR iha Dili, ho detalla hanesan Vijilánsia sentinela 7, rastreiu ba kontaktu (contact tracing) 44, rastreiu aleatóriu (tandom screening) 72, viajen sai husi serka sanitária munisípiu Dili 77, viajen internasionál 5 no follow up iha kuarentena 81.

Rezultadu testes PCR ne’ebé halo iha 11 Setembru, munisípiu sira seluk REAOA ho HNGV, hamutuk 281 ho detalla hanesan Baukau 70, Ermera 13, Maliana 15, Maubisse 30, RAEOA 36, Suai 20, Vikeké 12, Lautein-Lospalos 18 no HNGV 67. (*)

Rate this item
(0 votes)
Last modified on Monday, 13 September 2021 14:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter