"Aprezenta dadus ikus kona-ba vasinasaun iha país. Ema 463.644 iha pais nia laran mak simu ona pelu menus vasina doze ida, ne'ebé ekivale 61,4% husi populasaun ho idade 18 ba leten. 38,3% husi populasaun adulta iha pais mak kompleta ona vasinasaun”, dehan Ministru Fidelis iha Palásiu Governu, kuarta (0610).
Primeiru Ministru (PM), Taur Matan Ruak no Portavoz komisaun interministeriál ba planu vasinasaun kontra Covid-19, Danina Coelho, halo aprezentadaun iha Konsellu Ministru.
Durante aprezentasaun halo atualizasaun ida kona-ba informasaun ikus ne'ebé iha kona-ba vasina kontra Covid-19, iha nível distribuisaun, implementasaun, efetividade, efeitu sekundáriu no nesesidade administrasaun ba doze reforsu nian.
Nune'e ekipa mós hato'o rekomendasaun sei kontinua reforsu atu hasa'e persentajen Vasinasaun nasionál iha Timor-Leste.
"Aprezenta mós rekomendasaun ba reforsu prevensaun kazu gravé Covid-19 no atu hasa'e persentajen ba vasinasaun nasionál”, afirma nia.
Konsellu Ministru mós deside no autoriza atu membru Governu sira ba halo kampaña Vasinasaun Nasionál ba sidadaun tuir membru Governu nia Munisípiu durante loron 10. (*)