Komunidade Moe Taur Hala’o Kampaña Vasinasaun iha Hatulia

Komunidade Antusiazmu hodi simu Primeiru Ministru, Taur Matan Ruak, bainhira ba halo kampaña iha Munisípiu Ermera. Komunidade Antusiazmu hodi simu Primeiru Ministru, Taur Matan Ruak, bainhira ba halo kampaña iha Munisípiu Ermera. Foto Tempo Timor

Tempotimor (Ermera)-Komunidade sira iha Postu Administrativu Hatulia, Munisípiu Ermera sente moe, bainhira Primeiru Ministru (PM), Taur Matan Ruak, hala’o direta kampaña vasina kontra Covid-19 iha baze.

“Ne'e moe ida mai ami maibé ami nafatin orgullu no agradese, tanba exelénsia hatudu duni nia domin mai povu doben iha Timor-Leste ne'e”, deklara Reprejentante Komúnidade Hatulia, Jeraldo Martins, iha Hatulia, tersa (12/10).

Maibé apresia tebes ho prezensa Xefe Governu nia iha Hatulia hodi bele ajuda povu sai husi situasaun difísil nia laran.

"Ami Kontente tebes ho prezensa PM nia, tanba ne'e hatudu ona domin aman ida nia bá nia povu, no  lakohi nia povu mate terus tan Covid-19, entaun exelénsia rasik tun direita hodi husu ami atu simu vasina”, afirma nia.

Prezidente Autoridade Munisípiu Ermera, Eusebio Salsinha, mós agradese ba prezensa PM, ho ambiente ne'ebé udan maibé exelénsia nafatin prezensa iha povu Ermera nia leet.

“Ami hotu kontente tebes no agradese ba prezensa, ne'e hatudu katak exelénsia iha antusiazmu no responsável hodi to’o mai iha Ermera, Letefoho no Hatulia”, dehan nia.

Tanba ho prezensa PM ne'e oinsá atu fanu komúnidade Ermera tomak hodi matan moris neon nain luta hasoru pandemia Covid-19 iha ida-idak nia família no nasaun Timor-Leste.

"Atu konsolida ita-nia forsa, atu mobiliza ita-nia komunidade tomak, nune'e bele simu vasina hodi luta hasoru pandemia Covid-19, atuqbele salva-an, salva família no nasaun Timor-Leste”, dehan nia.

Padre Paroku Hatulia, Natalino Gusmao, apresia ho prezensa PM Taur iha komunidade Hatulia nia leet hodi konsensializa komunidade tomak atubele hakbesik-an ba sentru saúde hodi simu vasina. 

"Lori sarani Hatulia tomak, hakrak agradese prezensa PM iha ami-nia leet, tanba ho servisu barak maibé hatudu nafatin responsabilidade ba nia povu doben sira liliu Hatulia, ida ne'e ami haksolok no agradese tebes”, dehan nia. (*)

 

Rate this item
(1 Vote)
Last modified on Wednesday, 13 October 2021 09:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter