"Aban tuir desizaun ne'ebé sai tiha ona husi episkopal katak, aban sei hela iha ne'e to'o um novembru, hodi selebra misa ida iha ne'e, misa ne'e hotu tiha mak sei lori ba Baukau, husi dia 1-3 hela iha Baukau, dia 4 mak sei halo funeral internu nian iha Baukau ne'ebá i hakoi duni iha katedral nia oin”, dehan Bispo Norberto hafoin prezide misa agradesimentu ba Bispo Dom Basílio iha Igreja Katedral Dili, sábadu (30/10).

Líder igreja Katólika ne'e hatutan, tuir loloos tenke halo tratamentu fulan-fulan ba saudozu nia fuan ne'ebé opera iha tinan hirak liubá.

Prezidente episkopál ne'e mós konta katak, molok matebian ne'e termina moris, sempre halo kómiku, la sente triste ka tauk maibé nia kontente.

"Matebian Dom Basílio nia kómiku beibeik to'o nia mate, nia dehan ó kalma de'it buat (moras) ne'e baibain tiha to'o nia mate" nia haktuir.

Bainhira saudozu hela moras ne'e, kada fulan ba halo tratamentu iha estranjéiru, maibé tanba pandemia Covid-19, entaun matebian labele halo tratamentu tuir tempu ne'ebé iha.

"Kleur tiha la ba konsulta, nia operasaun boot”, nia hakotu lia.(*)