"Ami hanoin katak presiza mós kooperasaun di’ak entre komunidade ho parte Hovernu, atu haree hamoos uma ninin sira, kalen sira ne’ebé mak iha, bee nalihun iha uma ninin sira ne'e halo favor taka”, dehan Ministru Jerónimo iha plenária Parlamentu Nasionál (PN), tersa (11/01).

Tanba pozisaun Governu durante ne'e esforsu hala'o fogin no abate ba suku no aldeia hodi evita susuk maibé komunidade ladun koopera.

Ho ida ne'e, Governu hakarak fó hanoin ba hothotu tenke iha kooperasaun di’ak tanba moras dengue Mai husi susuk ne’ebé moris iha komunidade nia-let.

"Komunidade la hanoin katak ne'e importante, maibé komunidade haree de'it. Hanoin katak presiza mós atetude ho ita-nia hahalok halo nusa mak ita bele muda atubele koopera nomós bele halo di'ak ba ita-nia saúde rasik”, dehan nia.

Maibé kona-ba pasiénte iha sala emerjénsia Ospital Nasional Guidu Valadares (HNGV), dadauk parte Ministériu Saúde transfere ona balun ba  Sala Izolamentu Vera Cruz nomós iha Sentru Saúde Formoza. (*)