“Intervensaun hothotu ne'ebé mak ita halo, ba futuru ha'u hanoin ita hamutuk ita bele reduz mánutrisaun 47.1 ne'e ita bele reduz, ne'e ita-nia mehi, ne'e katak ita mehi para ita iha dalan atu importante mak ita iha koordenasaun, kada setór labele hatudu nia ego setorál maibé se hatudu nafatin ego setorál luta ida atu hasoru reduz ne'e susar oituan”, dehan Rofino Soares Gusmão iha Salaun Novu Turizmu, kinta (20/01).
Dadaun ne'e, KONSSANTIL iha ona desizaun tolu mak polítika iha nível Ministériu sira no tékniku halo desizaun iha Diretór Jerál sira, no tékniku liu mak iha Diretór Nasionál kada setór ida-idak iha nível Ministeriál sira.
Tanba mánutrisaun ne'ebé mak sa'e maka'as iha Timor-Leste, ne'e mak koopera ho setór hothotu hodi halo intervensaun ba problema refere.
“Kazu mánutrisaun hanesan ne'e presiza iha intervensaun, iha kada setór sira, ita ko'alia kona-ba mánutrisaun, la'ós intervensaun iha setór ida de'it, tanba ita ko'alia kona-ba kazu mánutrisaun ita presiza bee-moos, iha estrada, no ai-hán ne'ebé di'ak”, afirma nia.
KONSANTIL mós halo ona koordenasaun ho liña Ministerial sira seluk nomós Parseiru Dezenvolvimentu internasionál sira oinsá mak rezolve kazu mánutrisaun iha nasaun ida ne'e.
Koordenadór Emerjénsia World Food Programme (WFP), Ashley James Rogers hatete, nia parte prontu kontribui ba taxa mánutrisaun ne'ebé mak sa'e iha Timor-Leste.
"Kazu mánutrisaun ne'ebé sa'e iha Timor-Leste ne'e siknifikadu tebes, aas tebes iha rejiaun ida ne'e, no ita bele dehan labarik ida husi na'in-rua hetan mánutrisaun nomós ba inan feton sira, sira mós mánutrisaun, tanba ida ne'e mak WFP ajuda Governu liuhusi Ministériu Saúde kontinua apoiu depois ho KONSANTIL no Ministru Turizmu Komersiu no Industria planu atu halo fortifikasaun aumenta vitamina no minerál ba fós ne'e hodi hatan ba mánutrisaun nia taxa ne'ebé aas tebes”, informa nia.
Iha impaktu negativu boot ida ba futuru sidadaun Timor-Leste hodi kontribui ba kazu mánutrisaun sa'e mak komunidade sira hein de'it fós maibá la konsege responde ba kazu mánutrisaun sira. (*)
