“Dengue ne'e ita-nia preokupassun boot loos tanba hamate ita-nia oan sira besik na'in-20 (ruanulu) no rihun-resin mak afetadu, maibé ita halo hela esforsu, halo nusa mak neutraliza moras ida ne'e", dehan PM, Taur Matan Ruak iha Palásiu Prezidensiál Bairopite, kinta (03/02).
Iha medida rua ne'ebé Ministériu Saúde halo hela atubele neutrualiza, ida mak limpeza ba lata sira, bee nalihun, tanba ida ne'e fó fatin ba susuk sira moris barak liu no ida seluk mak funegasaun bonba susuk.
"Entaun ha'u espera katak ida ne'e, esforsu ne'ebé ita halo atu minimiza oituan risku ne'ebé afeta ita-nia sidadaun sira", hatete Xefe Governu.
Prezidente Repúblika, Francisco Guterres 'Lú Olo' mós hato'o mensajen katak, sidadaun ida-idak tenke hadomi nia-an hodi koopera hamutuk ho Ministériu Saúde kona-ba moras dengue.
"Mensajen mak ne'e, ita sidadaun ida-idak tenke hadomi ita-nia an, koopera ho ministériu saúde kuandu ko'alia kona-ba moras dengue, Covid, tuberkolozu e ha'u konkorda ho mensajen ida ne'e, e ha'u espera katak sidadaun hothotu simu ida ne'e hanesan ita hotu nian", haktuir Taur. (*)