“Kazu detetatu foun ne’ebé relata ohin 11 fevereiru 2022 na'in-243 (request test, contact tracing, vijilansia sentinela, pedido viajem ba rai liur, no viajen mai husi rai liur “teste iha aeroporto”), kazu rekuperadu 158, kazu ativu 1291 no óbitu na'in-1”, dehan nia liuhusi Komunikadu Imprensa, ne’ebé www.tempotimor.com, asesu iha sesta (11/02).
Totál kazu konfirmadu kumulativu 21401 no óbitu pasiénte feto (53 A), rezidente iha Dili-Dom Akeixo-Bebonuk, foti amostra iha HNGV iha loron 10/02/2022. Mate iha Ospitál Nasionál Guido Valadares iha oras 23:30. Pasiénte seidauk vasina. Ho Diagnóstico finál, Bronquiectasia, Electrolites imbalance, Pulmonary TB in Continuation + Covid-19 (CT: 30.1).
Husi horiseik mai ohin hamutuk hotu Laboratóriu Nasionál Saúde (LNS) halo 709 testes PCR iha Dili, ho detalla hanesan vijilánsia sentinela 41, rastreiu ba kontaktu (contact tracing) 404, rastreiu aleatóriu (random screening) 256, viajen internasionál 7, follow up iha kuarentena 1.
Totál testes PCR ne’ebé halo horiseik, Munisípiu sira seluk, REAOA ho HNGV, hamutuk 229 ho detalla hanesan Baukau 8, Ermera 0, Bobonaro 81, H.R Maubisse 0, RAEOA 12, Covalima 12, Vikeké 0, Lautein 0, HNGV 116 no Vera Cruz 0.
Husi totál teste PCR iha oras 24 ikus 938 ida ne’e hatudu taxa pozitividade 18,4 (iha semana kotuk, 04 fevereiru, taxa pozitividade pursentu 4,8). (*)
