Xefe departementu unidade armazenamentu rejional Baukau, João Cancio Ornai Ximenes hatete, jeradór ne’e ho volt 100 KBH.
"Ita nia jeradór ne'e, suporta husi ita nia doadores parseiru Ministéiru da Saúde nian husi UNICEF mak suporta hela, ita hein de'it ona faze tuir mai halo instalasaun ba jeradór ne'e," dehan João iha kna'ar fatin vila nova, tersa (15/02).
Tanba, durante jeradór iha SAMES rejionál Baukau laiha, maibé apoiu ne'e bele garante ona ai-moruk malirin sira hanesan vasina.
"Ita nia superiór sira iha ona planu, ha'u hanoin fulan ida ne'e ou fulan oin sira ne'e ita bele instala ona ita nia jeradór," nia hatete
Maibé, jerador dadaun presiza mós halo instalasaun lalais, nune'e ai-moruk malirin sira hanesan vasina bele rai ona iha SAMES rejionál.
Enkuantu jeraldór ne'e, SAMES nasionál entrega ba SAMES rejionál Baukau iha loron 25 fulan-janeiru tinan 2022. (*)