Ministru Prezidénsia Konsellu Ministru (MPKM), Fidelis Leite Magalhães hatete, Governu Aprova Alterasaun Lei husi Sistema Nasionál Saúde nian no aprova medida esesionál no temporáriu Vijilánsia sira ba resposta pandemia moras COVID-19 nian.
“Aprovasaun ba projetu proposta Lei alterasaun dahuluk ba Lei nú. 24/2021, loron 19 fulan-novembru, ne’ebé prosede alterasaun dahuluk ba Lei nú. 10/2004, loron 24 fulan-novembru, Lei husi Sistema Nasionál Saúde nian no aprova medida esesionál no temporáriu Vijilánsia sira ba resposta pandemia moras COVID-19 nian, ne’ebé aprezenta husi Ministra Saúde, Odete Maria Freitas Belo”, esplika Ministru Fidelis iha Palásiu Governu, kuarta (16/02).
Haree Projetu Proposta Lei ne'e nia objetivu atu aumenta prazu vijénsia husi medida sira ne'ebé prevé iha artigu da-3 husi Lei nú. 24/2021, loron 19 fulan-novembru. (*)