Tempotimor (Dili)- Governu liu-husi reuniaun Konsellu Ministru extraordinaria desidi taka movimentasaun ema nian ou atividade iha Munisípiu Dili ba Munisípiu sira no ema husi Munisípiu bele mai Dili maibe labele sai husi Dili, durante loron 7 nia laran, tanba ema na'in rua mak komfirmadu ona ba moras Covid-19 iha area tasi-tolu, Aldeia Tera-santa, Suku Madohi, Postu-administrativu Don Aleixo, no Munisípiu Dili.

Ministru Prezidensiá Konsellu Ministru, Fidélis Leti Magalhães, informa, serka sanitária ba Munisípiu Dili durante loron 7, hahu loron 09 to'o 15 Fulan Marsu tinan 2021, atividade hotu iha Dili laran paradu hotu, inklui programa implementasaun Cesta Básika.

"Konsellu Ministru desidi katak, hahu aban (loron tersa 09 Fulan Marsu), sei tama emvigor impozisaun serka sanitária no konfinamentu obrigatoriu ba iha Munisípiu Dili", Dehan Nia hafoin reuniaun Konsellu Ministru extraordinaria iha edifísiu Ministériu Finansas aitarak-laran, Segunda (08/03/21).

Durante loron 7 serka sánitaria ne'e, bandu ema hotu labele sai husi Munisípiu Dili.

"Sidadaun sira sei la autoriza atu hala'o atividade kulturáis, relijioza, no atividade sira hotu durante periodu loron 7 nia laran, no mós la autoriza atu sai husi hela fatin ba fatin públiku sira, ou dezloka ba fatin sira sein nesesidade, anaunser nesesidade hanesan hola ai-han, pulsa eletrisidade, no médikamentu sira", informa

Maibé, atu ba hola nesesidade sira urjenti, tenki la'o ema ida de'it, labele la'o grupu, no bainhira parte seguransa husi tenki justifika razaun.

Nune'e, atividade Igreja no eskola sira mós sei laiha durante loron 7 nia laran.

"Ita konklui katak, atividade sira hotu sei paradu iha loron 7 nia laran", nia dehan

Antes ne'e, iha loron 07 fulan Marsu tinan 2021, Kordenadór Forsa-Tarefa ba Prevensaun no Mitigasaun Surtu Covid-19, Rui Maria de Araújo hatete, kazu pozitivu Covid-19 na'in rua iha ona tasi-tolu, nune'e sei hato'o proposta bá Konsellu Ministru hodi tetu medidas ba situasaun iha rai laran.

"Aban dadeer se laiha nesesidade atu halo movimentu sai lapresiza lai halo movimentu sai, aban SS-SIJK sei hato’o proposta konkreta ba konsellu ministru atu foti desizaun kona-ba medida ne’ebé sei foti ba munisípiu Dili laran tomak", dehan Nia

Kazu konfirmadu Covid-19 ne'ebé dadaun baixa hela iha izolamentu hamutuk na'in 28. (*)

Tempotimor (Dili)- Pesoal saúde halo ona teste SWAB ba Primeiru Ministru (PM), Taur Matan Ruak ho membru governu sira iha edifísiu Ministériu Finansas aitarak-laran.

Tempotimor (Dili) - Diretór Geral (DG) Tekniku husi Ministériu Transporte no Telekomunikasaun (MTK) ho naran inisial G deskonfia hetan Covid-19, hafoin fó sai rejultadu teste iha loron 7 fulan-marsu tinan 2021. Possibilidade konfinamentu iha kapital Dili.

Tempotimor (Dili) - Portavós Sala Situasaun-Sentru Integradu Jestaun ba Krize (SS-SIJK), Rui de Araújo, anunsia transmisaun lokal covid-19, sidadaun na’in rua pozitivu tan iha área Tasitolu-Dili.

Tempotimor (Dili) - Portavós Sala Situasaun-Sentru Integradu Jestaun ba Krize (SS-SIJK), Rui de Araújo, husu pasajeiru sira ne’ebé sa’e bus Mabenifa iha loron 1 fulan-marsu tinan ne’e, tenke aprezenta-an ba ekipa Saúde, tanba deteta pasajeiru ida pozitivu COVID-19.

Tempotimor (Dili) – Ekipa hosi Ministériu Saúde (MS) deside foti amostra ba ema na’in-17 ne’ebé iha ligasaun ho ema ida-ne’ebé konfirmadu pozitivu COVID-19.

Tempotimor (Díli) - Koordenadór Forsa Tarefa ba Prevensaun no Mitigasaun Surtu Covid-19 (SS-CIGC, sigla portugés), Rui Maria de Araújo hateten, husi "cluster" Klauhalek, iha loron 3 no loron 4 fulan marsu 2021, deteta tan kazu konfirmadu nain lima, nain tolu husi aldeia Baleo Ki'ik, nain rua iha aldeia Maneki'ik no entre nain lima ne'e, na'in tolu estudante Eskola Bázika Sentrál (EBC, sigla portugés) Fatumea.

Tempotimor (Covalima)-Polísia Nasionál Timor-Leste (PNTL) Munisípiu Covalima detein sidadaun na'in sanulu iha sela hafoin kaptura iha merkadu Suai sentral tanba joga karta, Sesta (5/3).

Tempotimor (Covalima)-Relasiona ho preokupasaun universitáriu Covalima oan ne’ebé seidauk mai Dili hodi kontinua estudu, maka equipa Sentru Integradu Jestaun Krize (SIJK) ohin deside ona hodi katak estudante no Sosiedade Sivil sira ne'ebé sei serka hela iha Covalima bele ba Dili hodi kontinua estudu no servisu.

Tempotimor (Dili)- Deskonfia ema ida pozitivu Covid-19 iha Munisípiu Baukau evakua hamutuk ho membru familias nain 10  ba Dili iha tuku 20.00 OTL .